Главная » 2015 » Dekabr » 16 » Mavluda Asalxo‘jayevaning kelinlari yettita bo‘ldi

---

22:00 Mavluda Asalxo‘jayevaning kelinlari yettita bo‘ldi

MY5 telekanali orqali efirga uzatilgan "Qaynona va kelin” sitkomi o‘z muxlislarini topib, kanalning birinchi yildagi faoliyatida muhim o‘rin tutgan edi. Bugundan e'tiboran mazkur sitkomning yangi faslini suratga olish ishlari boshlab yuborildi. G‘oya muallifi Ravshan Hakimov bu gal O‘zbekistonda xizmat ko‘rsatgan artist Mavluda Asalxo‘jayevani Farmonbibiga "aylantirish” istagida. Uning kelinlari endi naq yettita. Bosh rollarni raqqosa Parizoda, aktrisa Feruza Sobitova va xonanda Manzura ijro etyapti. Darvoqye, sitkomning birinchi faslida Asalxo‘jayevaning kelini bo‘lishga vaqt topmagan Manzura bu gal tasvirga olish jarayonlarida hoziru nozir. Qolgan kelinlarning kimligini hozircha sir tutayotgan ijodiy jamoa sitkomning navbatdagi fasli fevral oyidan boshlab efirga uzatilishini ma'lum qilishdi. Stsenariy muallifi Zamira Xolboyeva va rejissyor Nargiza Saidazizovaning aytishicha, Asalxo‘jayevaning boshqa kelinlari ham shou-biznes olamining taniqli "yulduz”lari. Sitkomning har qismi 15 daqiqalik bo‘lib, jami 50 qismdan iborat. Ko‘ramiz, sitkomning navbatdagi fasli qanchalik tomoshabinlarni o‘ziga jalb qila olarkin? MY5 telekanalida ko‘rishga arzigulik ko‘rsatuvlar va filmlar tobora kamayib ketayotgan bir paytda, qish mavsumida efirga uzatiladigan sitkom sabab kanalning tomoshabinlar orasidagi mavqyei yana bir pog‘onaga ko‘tarilsa ajabmas.

1 2 3 4 5 Категория: Har-Hil | Просмотров:3775 | Добавил: Admin | Рейтинг: 0.0/0

Всего комментариев: 0