Главная » 2018 » Avgust » 26 » Maqsad filmining premyerasi sanasi ma'lum bo‘ldi

---

08:17 Maqsad filmining premyerasi sanasi ma'lum bo‘ldi

Toshkent shahar Ichki ishlar Bosh boshqarmasi ko‘magida suratga olingan detektiv-triller janridagi "Maqsad" badiiy filmining keng jamoatchilik uchun premyera qilinadigan sanasi ma'lum bo‘ldi. Kartina premyerasi 14 sentyabr kuni bo‘lib o‘tishi rejalashtirilgan bo‘lib, 15 sentyabrdan boshlab yurtimiz kinoteatrlarida namoyish etiladi. Ushbu filmda korrupsiya illati sabab, o‘z vaqtida fosh etilmagan, aksincha uni yashirish ortidan baxtli bir oilaning taqdiriga nuqta qo‘yilishiga sabab bo‘lgan qonli jinoyat va uni fosh etishda ichki ishlar tizimida halol mehnat qilib, adolat qaror topishiga hissasini qo‘shib kelayotgan vijdonli xodimlarning mahorati namoyon etilgan. Undagi voqyealar bugungi hayotimizda ro‘y beradi. Ammo uning tomiri bevosida 90 yillarga borib taqaladi. Shu sabab syujetlar bir-biriga bog‘liq bo‘lmagan 3 ta alohida yo‘nalish bo‘ylab rivojlanib boradi. Zamonaviy o‘zbek kinosiga xos bo‘lmagan ushbu uslubdan detektiv-triller janridagi "Maqsad" filmida mohirona foydalanilgan desak mubolag‘a bo‘lmaydi. Film rejissyori Rustam Meliyev, unda bosh rollarni Seydulla Moldaxanov, Tohir Saidov, Bobur Yo‘ldoshev, Shahzoda Matchonova, Yulduz Rajabova, Nigora Karimboyeva, Anvar Kartayev va Jamshid Asadovlar ijro qilishgan.

1 2 3 4 5 Категория: Har-Hil | Просмотров:1536 | Добавил: Admin | Теги: Maqsad filmining premyerasi sanasi | Рейтинг: 0.0/0

Всего комментариев: 0