Главная » 2023 » Fevral » 16 » Lukashenko qanday holatda Ukrainaga qarshi urushga qo‘shilishini aytdi

---

20:26 Lukashenko qanday holatda Ukrainaga qarshi urushga qo‘shilishini aytdi

Minsk agar Belarusga qarshi tajovuz sodir etilsagina harbiy harakatlarda qatnashishga tayyor. Bu haqda 16-fevral kuni respublika prezidenti Aleksandr Lukashenko jurnalistlar bilan uchrashuvda aytib o‘tdi. "Men hozircha faqat bir holatda rossiyaliklar bilan birga Belarus hududidan turib jang qilishga tayyorman: agar u yerdan (Ukrainadan) bir nafar bo‘lsa ham askar mening xalqimni o‘ldirish uchun Belarus hududiga qadam bossa. Agar ular Belarusga qarshi tajovuz qilsa, javob eng og‘ir bo‘ladi, urush esa butunlay boshqacha tus oladi”, — dedi Lukashenko. Uning aniqlik kiritishicha, bu shart nafaqat Ukrainaga, balki "boshqa qo‘shnilarga” ham tegishli. Shuningdek, Lukashenko ertaga, 17-fevral kuni Putin bilan uchrashishini ma’lum qildi. Belarus Rossiyaning Ukrainadagi bosqiniga to‘g‘ridan to‘g‘ri ishtirok etmayapti, Belarus armiyasi Ukraina hududiga kirmagan. Urushni tadqiq qilish instituti (ISW) tahlilchilari xulosasiga ko‘ra, Aleksandr Lukashenko, katta ehtimol bilan, Rossiya prezidenti Vladimir Putinning Ukrainadagi urushda qatnashish taklifini rad etgan. O‘z navbatida, Ukraina Milliy xavfsizlik va mudofaa xizmati kotibi Aleksey Danilovning fikricha, Putin Lukashenkoga bosim o‘tkazib, uning Belarus qo‘shinlarini Ukrainaga qarshi urushga yuborishga imkon berishiga erishmoqchi bo‘lgan, biroq Minsk urush qilishni istamagan.

1 2 3 4 5 Категория: Har-Hil | Просмотров:183 | Добавил: moderator | Теги: yangilik | Рейтинг: 0.0/0

Всего комментариев: 0