Главная » 2017 » Sentyabr » 29 » KXDRga asosiy iqtisodiy “zarba”ni endi Xitoy beradi

---

12:40 KXDRga asosiy iqtisodiy “zarba”ni endi Xitoy beradi

Jahon hamjamiyati KXDRning yadro sinovlari va mintaqa mamlakatlari uchun tug‘dirayotgan xavfi sabab ushbu mamlakatga nisbatan iqtisodiy hamda siyosiy sanksiyalar joriy qilmoqda.   KXDRning asosiy hamkori — Xitoy Xalq Respublikasi ham "jilovlab bo‘lmas” KXDR hukumatini siquvga olish maqsadida turli iqtisodiy choralar ko‘rishga majbur bo‘lmoqda.   Xitoy hukumati BMTning Shimoliy Koreyaga qarshi sanksiyalariga muvofiq 2017 yilning oxiriga qadar Xitoy hududida yaratilgan barcha KXDR qo‘shma korxonalari faoliyatini tugatishga kirishgan.   XXR Savdo vazirligi Shimoliy Koreya kompaniyalari sanksiyalar natijasida 2018 yil yanvar boshiga qadar yopilishi shart ekanini ta'kidlamoqda.   Xitoy va Shimoliy Koreya hamkorligidagi kompaniyalarda mehnat qilayotgan ishchilari o‘z daromadlarini oilalariga yuborib turgan edi. Endi qo‘shma korxona ishchi-xizmatchilarining taqdiri ochiq qolmoqda...   Bundan tashqari, Xitoy 2018 yil 1 yanvardan Pxenyanga elektr toki va gaz yetkazishni to‘xtatishi hamda neft mahsulotlari yetkazmasini cheklashini e'lon qilgan.   Ma'lumot uchun, Xitoy joriy yilning sentyabr oyidan boshlab Shimoliy Koreyadan ko‘mir, temir va qo‘rg‘oshin rudalari hamda dengiz mahsulotlari importini to‘xtatgan edi.   Eslatib o‘tamiz, Shimoliy Koreyada davom etayotgan iqtisodiy qiyinchiliklar to‘g‘risidan bundan oldinroq xabar bergan edik.

1 2 3 4 5 Категория: Har-Hil | Просмотров:1358 | Добавил: Admin | Теги: KXDRga asosiy iqtisodiy “zarba”ni e | Рейтинг: 0.0/0

Всего комментариев: 0