Главная » 2016 » Dekabr » 6 » Krishtianu Ronaldu jinoiy javobgarlikka tortilishi mumkin

---

22:36 Krishtianu Ronaldu jinoiy javobgarlikka tortilishi mumkin

«Real» klubi hujumchisi Krishtianu Ronaldu soliq to‘lashdan qochganlikda ayblanib, jinoiy javobgarlikka tortilishi mumkin, deya xabar qilmoqda CBS Sports nashri. Ronaldu har xil yo‘llar bilan soliq to‘lash majburiyatidan qochgan bo‘lishi mumkin, deya baholanmoqda. U Ispaniyada faoliyat yuritishiga qaramay, homiylik shartnomalarini Dublindagi Multisport Image Management kompaniyasi orqali tuzgan. Ma'lumot o‘rnida, Irlandiyada foydadan olinadigan soliq 12,5% bo‘lsa, o‘sha vaqtlari Ispaniyada bu ko‘rsatkich 43,5%ga teng edi. Avvalroq, Spiegel nashri Ronaldu agenti Mendesh tomonidan ishlab chiqilgan tizim bo‘yicha 150 mln yevroni yashirganligini xabar qilgan edi. Biroz o‘tib, Mendeshning kompaniyasi Ronaldu barcha soliq majburiyatlarini bajarganligi to‘g‘risida ariza bilan chiqgan. Futboldagi noqonuniy pul aylanmalariga qarshi kurashuvchi Football Leaks guruhi, yaqin uch hafta ichida ushbu mavzuga oid shov-shuvli ma'lumotlar taqdim etishni va'da qilmoqda.

1 2 3 4 5 Категория: Har-Hil | Просмотров:1365 | Добавил: Admin | Теги: Криштиану Роналду жиноий жавобгарли | Рейтинг: 0.0/0

Всего комментариев: 0