Главная » 2023 » Yanvar » 1 » Kosovo bosh vaziri NATO kontingentini ko‘paytirishni yoqlab chiqdi

---

23:11 Kosovo bosh vaziri NATO kontingentini ko‘paytirishni yoqlab chiqdi

Kosovo hukumatining Serbiya bilan keskin munosabatlari mintaqada NATO kontingenti va harbiy texnikasi sonini oshirishni talab qiladi. Bu haqda Kosovo Respublikasi hukumat rahbari Albin Kurti Welt nashriga bergan intervyusida aytib o‘tdi. "Mamlakatimizda NATO kontingenti ko‘paytirilishi va harbiy texnikasi sonining oshirilishi Kosovoda va butun G‘arbiy Bolqon mintaqasida xavfsizlik va tinchlikni mustahkamlaydi”, — dedi u. Kurti ta’kidlashicha, respublika ayni paytda mudofaaga xarajatlarni oshirmoqda, shuningdek, harbiy xizmatchilar va zaxiradagilar sonini ko‘paytirmoqda. Shu bilan bir vaqtda mintaqaga joylashtirilgan KFOR kuchlari kontingenti ko‘paytirilganida, mahalliy hukumatning mudofaa sohasidagi sa’y-harakatlariga ko‘mak bergan bo‘lardi, dedi bosh vazir. Kosovoda ayni paytda BMT Xavfsizlik kengashi rezolyutsiyasiga muvofiq tuzilgan va NATO qo‘mondonlik qiladigan 3,8 ming nafar KFOR kontingenti harbiy xizmatchilari joylashtirilgan. U mintaqaga 1999-yil iyunida joylashtirilgan bo‘lib, vazifasi bu yerda barqarorlik va xavfsizlikni ta’minlashdan iborat. Qisman tan olingan respublikada qariyb 1,8 million odam yashaydigan, ularning aksariyati etnik albanlardan iborat. Kosovo shimolida 120 ming kishilik jami serb aholining 60 ming nafari yashaydi. Kosovo shimolidagi derblar respublikani mustaqil deb hisoblamaydi va uni Serbiya muxtor o‘lkasi deb ataydi. Kosovodagi nizo 20 yildan ortiq davom etib kelmoqda, Serbiyadan ajralib chiqqanini respublika 1991-yilda e’lon qilgandi. 2008-yilda Kosovo mustaqilligini Yevropaning bir nechta mamlakatlari, shu jumladan, Fransiya, Buyuk Britaniya va Germaniya, shuningdek, AQSH ham tan olgan.

1 2 3 4 5 Категория: Har-Hil | Просмотров:208 | Добавил: moderator | Теги: yangilik | Рейтинг: 0.0/0

Всего комментариев: 0