Главная » 2021 » Fevral » 20 » Kongoda bubonli vabo kasalligi tarqalishni boshladi

---

12:34 Kongoda bubonli vabo kasalligi tarqalishni boshladi

Kongoda bubonli vabo kasalligi tarqalishni boshladi. Bu haqda Jeune Afrique nashri Ituri provinsiyasi Sog‘liqni saqlash departamenti rahbari Patrik Karamuraga tayanib xabar bergan. Afrika qit’asidagi ushbu davlatda o‘pka vabosi hamda septik vabo kasalliklari ham qayd etilgan. So‘nggi ma’lumotlarga ko‘ra, 520 kishi kasallangan va 31 nafar bemor kasalliklar asoratlari oqibatida hayotdan ko‘z yumgan. Nyu-Yorkda joylashgan Ecohealth Alliance epidemiologi Anna Lodisuaning qayd etishicha, kasalliklarni yuqtirish holatlari 2020-yilning 15-noyabridan 13-dekabrigacha bo‘lgan oraliqda kuzatilgan. Kasallanganlarning o‘rtacha yoshi 13 da, eng qari bemorning yoshi esa 73 da. 2020-yil iyun oyida Rossiyaning G‘arbiy Mo‘g‘uliston bilan chegaradosh hududida bubonli vabo bilan kasallanish holatlari qayd etilgan. Tibbiyot fanlari doktori, o‘ta xavfli infeksiyalar bo‘yicha mutaxassis Vladislav Jemchugov Xitoyda va Mo‘g‘ulistonda bubonli vaboning tarqalishi u qadar vahimali emasligi, sharq mamlakatlarida bubonli vaboga qarshi maxsus tuzilmalar tashkil qilingani hamda ular kasallikning tarqalishiga yo‘l qo‘ymasligini ta’kidlagandi. Avval Afrika janubida joylashgan Gvineyada 2016-yildan beri birinchi marta Eboladan kamida to‘rtta o‘lim holati qayd etilgani, shuningdek, Kongoda Ebola kasalligiga qarshi odamlarni emlash kampaniyasi boshlangani haqida xabarlar berilgandi.

1 2 3 4 5 Категория: Har-Hil | Просмотров:562 | Добавил: moderator | Теги: yangilik | Рейтинг: 0.0/0

Всего комментариев: 0