AQSh va uning ittifoqdoshlari Iroqqa bostirib kirgani xato edi va bu "Islom davlati” ekstremistik guruhi tuzilishiga imkon yaratdi. Bunday fikrni BMT sobiq bosh kotibi Kofi Annan 8-fevral kuni Myunxendagi xavfsizlik bo‘yicha konferensiyada so‘zlagan nutqida bildirdi, deb yozadi "TASS”."O‘z vaqtida men bunga qarshi chiqqan edim, — dedi u. — Mening xavotirlarim to‘g‘ri bo‘lib chiqdi”.

"Ushbu qaror vaziyatni chuqurlashtirdi, Iroq xavfsizlik kuchlarining tarqatib yuborilishi esa norozi harbiy xizmatchilar va politsiyachilarni ishsiz qoldirdi”, — dedi Annan ularning ba’zilari oqibatda "Islom davlati”ga qo‘shilganini nazarda tutib.

"Demokratiyani tegishli institutlar mavjud bo‘lmagan holda tezlikda yaratishga urinish korrupsiyaviy rejim yuzaga kelishiga olib keldi”, — deya qo‘shib qo‘ydi sobiq bosh kotib.