Главная » 2017 » Iyul » 2 » Kaniza "Malina" taronasi uchun videoklip suratga oldirdi

---

10:37 Kaniza "Malina" taronasi uchun videoklip suratga oldirdi

O‘zbek san'atida o‘z o‘rni va yo‘nalishiga ega bo‘lgan xonanda, takrorlanmas obrazlari bilan xalqimizni hayratlantirib kelgan Kaniza "Malina" qo‘shig‘i uchun videoklip suratga oldirdi. Bu safar xonanda klipni yaratishda serqirra ijodkor Alisher Uzoqov bilan hamkorlik qildi. Stsenariy muallifi, rejissyor va bosh rol ijrochisi Alisher Uzoqov bo‘ldi. Unda aktyor, aktrisa Feruza Normatova bilan kutilmagan juftlikni kashf etdi. Trek va syujetdan iborat bo‘lgan bu ijod mahsuli ham komedik, ham romantik voqyealarga boy. Tasvirchi Izzat Lutfullayev. Xonandaning ma'lum qilishicha, mazkur klipning g‘oyasidan uning umuman xabari bo‘lmagan. U Alisher Uzoqovga barchasini ishonib topshirgan. Suratga olish jarayonlarida Kaniza Alisher Uzoqovning mahoratiga yana bir bor tan bergan. "Do‘stim Alisher Uzoqov har bir ishni puxta o‘ylab bajaradi. Shunchaki emas, balki, bor mehrini berib ishlaydi. Klipim ssenariysini ham, tasvirga olish ishlarini ham uzoq kutdim. Bugun esa kadrlarni ko‘rib, ko‘nglim tog‘dek ko‘tarildi. O‘z ishining ustasi bilan ishlash juda maroqli, shu bilan birga o‘ta qiziqarli." - deydi xonanda bergan ma'lumotiga qo‘shimcha qilib. Demak, Kanizadan tez kunda kutilmagan videopremyera bo‘lishi tayin. Kuzatamiz.

1 2 3 4 5 Категория: Har-Hil | Просмотров:1815 | Добавил: Admin | Теги: Kaniza Malina taronasi uchun videok | Рейтинг: 0.0/0

Всего комментариев: 0