Главная » 2023 » Fevral » 24 » Kaniza axloqsiz videolari sabab litsenziyadan mahrum etildi

---

21:34 Kaniza axloqsiz videolari sabab litsenziyadan mahrum etildi

Xonanda Kaniza ijtimoiy tarmoqlardagi axloqsiz videolar uchun litsenziyasidan bir oyga mahrum bo‘ldi. Bu haqda Madaniyat vaziri o‘rinbosari Bahodir Ahmedov "Daryo” muxbiri bilan suhbatda ma’lum qildi.  — Kengash a’zolari bir ovozdan Kaniza Ahmedovaning litsenziyadan mahrum qilish qarorini ma’qullashdi. Unga jiddiy ogohlantirish berildi. Agar bir oy davomida tartibga tushsa, litzenziya uchun qayta ariza tashlashi mumkin. Ochig‘ini aytaman, bu qiz nega bunday qilganiga hayronman. Bunday narsalar unga nimaga kerak? Aqli raso, o‘ziga yarasha ongi bor, oliy ma’lumotli inson. Bir oy ichida xatolarni to‘g‘irlasa, to‘g‘irladi bo‘lmasa yana-da jiddiy chora ko‘riladi. Kaniza Ahmedovaga qo‘llanilayotgan choralardan boshqa san’atkorlar ham  o‘ziga tegishli xulosa chiqarib olsa yaxshi bo‘lardi, — deydi vazir o‘rinbosari Bahodir Ahmedov. Bir necha kun avval ijtimoiy tarmoqlarda Kanizaning to‘y xizmatida kuylayotgani aks etgan video tarqaldi. Ushbu videolardagi xonandaning xatti-harakati va kiyimi internet foydalanuvchilarining keskin tanqidlariga sabab bo‘ldi.

1 2 3 4 5 Категория: Har-Hil | Просмотров:310 | Добавил: moderator | Теги: yangilik | Рейтинг: 0.0/0

Всего комментариев: 0