Jasur Umirov 5 yilga ozodlikdan mahrum etildi - 2 Февраля 2021 - www.Nozim-Studio.com

Главная » » Jasur Umirov 5 yilga ozodlikdan mahrum etildi

19:33 Jasur Umirov 5 yilga ozodlikdan mahrum etildi
Xonanda Jasur Umirov nomusga tegishda aybdor deb topilib, 5 yilga qamaldi. Yana ikki sudlanuvchi 1,5 yilga ozodlikdan mahrum etildi. Bugun, 2 fevral kuni jinoyat ishlari bo‘yicha Kattaqo‘rg‘on shahar sudi xonanda Jasur Umirov va uning ikki nafar tanishi ustidan hukm chiqardi. Oliy sud axborot xizmati xabariga ko‘ra, sud hukmi bilan: Jasur Umirov Jinoyat kodeksining 118-moddasi (nomusga tegish) 1-qismi bilan aybli deb topilib, unga 5 yil muddatga ozodlikdan mahrum qilish jazosi tayinlandi; A.Z. va Sh.Q. esa Jinoyat kodeksining 238-moddasi (yolg‘on guvohlik berish) 1-qismi va 241-moddasi (jinoyat haqida xabar bermaslik yoki uni yashirish) 2-qismi bilan aybli deb topilib, ularga JKning 59-moddasi (bir necha jinoyat sodir etganlik uchun jazo tayinlash) tartibida uzil-kesil 1 yil 6 oy muddatga ozodlikdan mahrum qilish jazosi tayinlandi. Ma'lumot uchun, tergov organi Jasur Umirovga JKning 118-moddasi 3-qismi «a» bandi bilan ayblov e'lon qilgan edi. Bu band nomusiga tegilgan shaxsning 18 yoshga to‘lmagani aybdorga ayon bo‘lgan holni nazarda tutadi va og‘irroq sanksiyani keltirib chiqaradi. Sud Umirovni shu moddaning 1-qismi bilan aybdor deb topgan. Sudlanuvchilar, jabrlanuvchi va uning qonuniy vakili hukm nusxasini olgan vaqtdan boshlab 20 sutka ichida Samarqand viloyat sudining jinoyat ishlari bo‘yicha apellyatsiya instansiyasi sudlov hay'atiga apellyatsiya tartibida shikoyat qilishga va protest keltirishga haqli.
1 2 3 4 5 Категория: Har-Hil \| Просмотров:627 \| Добавил: moderator \| Теги: yangilik \| Рейтинг: 0.0/0