Главная » 2016 » Sentyabr » 29 » Янги “Gangnam Style” ёки “Pen Pineapple Apple Pen”

---

06:31 Янги “Gangnam Style” ёки “Pen Pineapple Apple Pen”

2012 yilning 15 iyulida janubiy koreyalik qo‘shiqchi PSY tomonidan ijro etilgan "Gangnam Style” qo‘shig‘i YouTube tarmog‘i orqali namoyish etilgandi. Ushbu qo‘shiq qator mukofotlarni qo‘lga kiritgan, Ginnessning rekordlari kitobiga ham kiritilgan va 2016 yilning yanvar oyiga qadar ushbu qo‘shiqni YouTube tarmog‘ida 2,5 milliarddan oshiq kishi ko‘rgani qayd etilgan.   Aytish kerakki, bugungi kunda ham uning mashhurligi o‘z kuchini yo‘qotgani yo‘q. Ko‘plab qo‘shiqchilar aynan shu uslubda qo‘shiq kuylashga ham harakat qilishdi. Biroq aynan "Gangnam Style”chalik mashhur qo‘shiq hozircha kuylangani yo‘q.   Shu kunlarda, YouTube tarmog‘ida yaponiyalik komik va DJ Katsuxiko Kosaki tomonidan kuylangan "Gangnam Style”ning "egizagi” paydo bo‘ldi. Ijodkor Piko-Taro tahallusi asosida sahnaga chiqadi, deb yozadi "Bfm.ru” nashri.    Piko-Taro kuylagan "Pen Pineapple Apple Pen” qo‘shig‘iga ishlangan klipni 2 kun ichida 50 million kishi tomosha qilgan. Bundan tashqari, ayni qo‘shiqqa o‘xshatma tarzida kuylanayotgan qo‘shiqlar tarmoq ichida tobora ortib bormoqda. Musiqiy yo‘nalishdagi mutaxassislar bu ketishda "Pen Pineapple Apple Pen” qo‘shig‘i ham katta mashhurlik qozonishini aytishmoqda. Ko‘pchilikning fikricha, qo‘shiq ommalashishi mumkin, ammo "Gangnam Style” kabi barchaning tilida tushmaydi. Chunki "Pen Pineapple Apple Pen” "Gangnam Style”ga o‘xshash tarzda yaratilgan qo‘shiqdir. Aziz muxlis, siz bu qo‘shiqqa qanday baho berasiz?

1 2 3 4 5 Категория: Har-Hil | Просмотров:1948 | Добавил: Admin | Теги: Янги “Gangnam Style” ёки “Pen Pinea | Рейтинг: 0.0/0

Всего комментариев: 0