Главная » 2017 » Iyul » 23 » Jamila G‘ofurovaning ijodi va hayotiga oid besh ma'lumot

---

16:55 Jamila G‘ofurovaning ijodi va hayotiga oid besh ma'lumot

Jamila G‘ofurova o‘zini turli janrlarda sinab ko‘rishdan qo‘rqmaydigan va barcha savollarga ochiq-oydin javob beradigan aktrisa hisoblanadi. Aktrisaning ijodi hamda hayotiga oid besh ma'lumotni e'tiboringizga havola qilamiz.Mutaxassisligi bo‘yicha Toshkent Davlat sharqshunoslik institutini tugatgan aktrisa ko‘pchilik o‘ylagandek ijodni kino aktrisalikdan emas, qo‘shiq kuylashdan boshlagan. «Jamila G‘ofurova klipini telekanallarda aylantirish uchun, Captiva’sini sotib yuborganmish» degan gap-so‘zlar asossiz bo‘lib, shu vaqtgacha birorta qo‘shig‘ini reklama qilmaganligini va biror so‘m sarflamaganini aytib o‘tgan. Qo‘shiqchilik faoliyatini hali ham davom ettirayotgan xonanda-aktrisa, Davron Ergashev bilan birgalikda kuylagan «Bidir-bidir» taronasi ijodining so‘nggi namunalaridan hisoblanadi.   Aktrisa filmografiyasida barcha janrdagi filmlarni ko‘rishingiz mumkin. O‘zi rol ijro qilgan qirqdan ortiq filmlarning deyarli barchasida bosh rollarni ijro qilgan.   O‘zini rejissyor va prodyuser sifatida ham tasavvur qila oladi. Kun kelib rejissyorlikka qo‘l urishi, filmlar suratga olishi ham mumkin. O‘zi suratga olgan filmda hech qachon rol ijro qilmoqchi emas.   Aktrisa agar arziydigan, tarixda qoladigan rol bo‘lsa hech ikkilanmasdan sochini olib tashlab, kal bo‘lishga ham tayyorligini ma'lum qilgan.   Ayni paytda aktrisa Ahad Qayumning «Muhabbat va nafrat» filmida hamda Shavkat Komilov prodyuserligida suratga olinayotgan «Siniy kit» o‘yiniga bag‘ishlangan «Qotillar o‘yini» filmida suratga tushmoqda. Bundan tashqari aktrisa rejissyor Muzaffar Erkinov tomonidan suratga olinayotgan «Saodat» serialining navbatdagi faslida ham bosh rollardan birini ijro qilmoqda.

1 2 3 4 5 Категория: Har-Hil | Просмотров:4395 | Добавил: Admin | Теги: Jamila G‘ofurovaning ijodi va hayot | Рейтинг: 0.0/0

Всего комментариев: 0