Jak Iv Kusto Biografiyasi - 9 Июня 2019 - www.Nozim-Studio.com

Главная » 2019 » Iyun » 9 » Jak Iv Kusto Biografiyasi

10:16 Jak Iv Kusto Biografiyasi
Jak Iv Kusto 1910 yil 11-iyun sanasida Fransiyaning Sent-Andre-de-Kyubzak shaharchasida advokat Daniel va Elizabet Kustolar oilasida tug'ilgan. Jak Iv Kustoni oilada Pyer ismli bir akasi bo'lgan. Uning bolaligi asosan ota-onasining kasb taqazosi bilan turli shaharlarda o'tgan.U 1920-yilda ota onasi bilan Aqshga ko'chib borgan va o'sha yerdagi maktabda ingliz tilini o'rgangan.1922-yilga kelib ular yana Fransiyaga qaytib kelishgan. Jak Iv Kusto yoshligidan juda tirishqoq va qiziquvchan bo'lgan.Shunday qiziqishi tufayli u maktab davrida Elektramobil ixtiro qilgan. Undagi bu qiziqishni ko'rgan ota-onasi uni maxsus maktab internatiga berishgan. 1930 yilda Kusto Harbiy Dengiz Akademiyasiga o'qishga kirgan.Ushbu akademiyani bitirgach u Shanxay va Sobiq Ittifoq davlatlaridagi harbiy dengiz bazalarida o'z tajribasini oshirgan. U yerdan qaytgach harbiy dengiz aviatsiya akademiyasida o'qishni boshlagan, ammo o'sha vaqtda avtohalokatga uchragan va o'qishni davom ettira olmagan. 1938 yilda Jak Iv Kusto sheriklari Frederik Dyuma va Filipp Taye bilan birga, birinchi akvalangni sinovdan o'tkazishgan. Keyinchalik esa Kusto, suv ostida suratga olishi mumkin bo'lgan kamera va yoritish uskunalari hamda bir kishi uchun mo'ljallangan suv osti kemasini ixtiro qilgan. 1950 yilga kelib Jak Iv Kusto o'z jamosini tashkil etib o'sha mashxur "Kalipso" nomli kemada dunyo okeanlarini o'rganish bo'yicha tadqiqotlarini boshlagan. 1953 yilda u do'sti Fedirik Dyuma bilan birga suv osti dunyosi haqidagi "Sukunat dunyosida" nomli kitob chiqarishgan va aynan shu kitob tufayli Jak Iv Kusto dunyoga tanilgan. 1956 yilda esa Kusto ayni shu nomdagi hujattli film suratga olgan va ushbu filmi bilan "Oskar" va "Oltin Palma" kabi mashxur mukofotlarini qo'lga kiritgan. Jak Iv Kusto hayoti davomida dunyo okeanlarini o'rganuvchi olim,rejissyor va yozuvchi sifatida ish olib borgan bo'lib, o'z faoliyati davomida ko'plab ekspiditsiyalar uyishtirgan, o'nlab kitoblar yozgan hamda yuzdan oshiq qisqa metrajli, hujjatli filmlar suratga olgan. Bulardan tashqari u 1957 yilda Monako shahridagi Okeanografiya muzeyiga rahbar sifatida tayinlangan.Shuningdek 1973 yilda dengiz ekalogiyasini himoya qiluvchi "Kusto jamiyati"ga ham asos solgan. Jak Iv Kusto o'zining ko'p yillik faoliyati orqali dunyoda "Kapitan Kusto" nomi bilan mashxur bo'lgan. Uning shaxsiy hayoti haqida: Jak Iv Kusto 1937 yilda Simone Malhior ismli ayolga uylangan.Ular ikki o'g'il farzandli bo'lishgan. Kustoning bu ikki farzandi Jan Mishel va Filipp Kustolar ham o'zi kabi olim, tadqiqotchi bo'lishgan hamda deyarli barcha tadqiqotlarda u bilan birga ishtirok etishgan. Uning kichik o'g'li Filipp Kusto 1979 yil 39 yoshida aviahalokatga uchrab vafot etgan.1991 yilda esa uning ayoli ham saraton kassalligi tufayli olamdan o'tgan. Ayni shu yili u Fransin Triplet ismli ayolga rasman uylangan.Bungacha esa ular nikoxsiz bir necha yil birga yashashgan va bir o'g'il hamda bir qiz farzandlari bo'lgan. Jak iv Kusto haqiqat ham islom dinini qabul qilganmi.Bu savol haligacha jumboq bo'lib kelmoqda.Chunki "Kusto jamiyati" nomli tashkilot a'zolari uni hech qachon islomni qabul qilmaganligini takidlashadi. Jak Iv Kustoni o'zi aytgan gaplar sifatida, internet tarmoqlarida tarqalgan ma'lumotlarda esa, Kusto ikki dengizni bir biriga qo'shilmasligini ko'rgach olimlar bilan gaplashadi, shunda ulardan biri, bu mo'jiza muqaddas "Quroni Karim" kitobida keltirilganligini aytadi. Shundan keyin Kusto muqaddas "Quroni Karim" kitobining tarjimasini o'qib chiqib haqiqattan ham dengizlarni bir biriga qo'shilmasligi haqidagi ma'lumotlar ushbu kitobda keltirilganligigi guvoh bo'ladi. Ana shu voqeadan keyin Kusto bu kitobda haqiqattan ollox so'zlari keltirilganligiga ishonadi va islomni haq din ekanligini tan oladi.Yana ushbu manbaalarda uni, shundan keyin islom dinini qabul qilganligi ham keltiriladi.Ammo bizga shunisi ma'lumki Kusto olamdan o'tgach uni xristian urf odatlariga ko'ra dafn etilgan. Jak Iv Kusto 1997 yil 25-iyun sanasida "miyokard infarkti" oqibatida 87 yoshida olamdan o'tgan.Uni o'zi tug'ilgan Sent-Andre-de-Kyubzak shaharchasidagi qabristonga dafn etilgan. Uning o'limidan keyin o'zi tug'ilib o'sgan ko'chaga Jak Iv Kusto nomi berilgan va ushbu shaharchaga uning haykali o'rnatilgan.
1 2 3 4 5 Категория: Har-Hil \| Просмотров:1419 \| Добавил: Admin \| Теги: biografiyasi \| Рейтинг: 5.0/1