Главная » 2016 » Sentyabr » 30 » Isroilning sobiq prezidenti bugun dafn etiladi

---

07:36 Isroilning sobiq prezidenti bugun dafn etiladi

Avvalroq, Isroilning sobiq prezidenti Shimon Peres 93 yoshida og‘ir xastalik sabab olamdan o‘tgani haqida xabar bergan edik.   Bugun, 29 sentyabr kuni Isroil Parlamenti maydoniga siyosatchini so‘nggi yo‘lga kuzatish uchun kun davomida minglab isroilliklar yig‘ildi. Bu haqda RIA Novosti xabar bermoqda.   Davlatning to‘qqizinchi rahbari ikki hafta avval, miyaga qon quyilishi tufayli shifoxonaga olib ketilgan edi. Bu kasallikdan keyin sog‘ligi qayta tiklanmagan Peres 93 yoshga to‘lish arafasida vafot etdi.   Milliy bayroq bilan o‘ralgan tobut politsiya mashinasi va mototsikllar yo‘lboshchiligidagi kichik avtobusda keltirildi. Knesset maydonida bayroqlar tushirilgan, Parlament qo‘riqchilari motam libosida turibdi. Tobut Peres  sharafiga hozirlangan qora supaga olib kelib qo‘yildi. Isroil Prezidenti Reuven Rivlin, Bosh vazir Binyamin Netanyaxu, Parlament spikeri Yuliy Edelshteyn, muxolifat rahbari Itsxak Gersog dastlabki gulchambarni qo‘ydi.   Keyingi 12 soat ichida xohlovchilar Peres bilan vidolashishi mumkin. Tashkilotchilar Knessetga olib boruvchi yo‘llarni shaxsiy avtotransportlar uchun yopib qo‘ydi.   Marhumni dafn etish marosimi juma kuni Gerslya tog‘idagi milliy qabristonda o‘nlab xorijiy delegatsiyalar ishtirokida amalga oshiriladi. Ushbu jarayonda Federatsiya Kengashi spikeri Valentina Matviyenko Rossiya vakili sifatida qatnashadi.   Shuningdek, Isroilga AQSH Prezidenti  Barak Obama, Fransiya rahbari Fransua Olland, Germaniya prezidenti Yoaxim Gauk, Polsha rahbari Anjey Dudu, Uels shahzodasi Charlz, AQSHning sobiq Prezidenti Bill Klinton va boshqa ko‘plab mehmonlar tashrif buyurishi kutilmoqda.   Peresni Isroilni barpo qilgan otalarning eng oxirgisi, deb atashmoqda.   Siyosatchi o‘nlab vazirliklarda ishladi, 2007–2014 yillar davomida ikki marta prezidentlikka saylandi.   Falastin bilan tinchlik shartnomasini imzolashga erishgani uchun 1994 yilda Peres va o‘sha vaqtda mamlakat Bosh vaziri bo‘lgan Itsxak Rabin va Falastin rahbari Yosir Arofat Nobel mukofoti bilan taqdirlangan.

1 2 3 4 5 Категория: Har-Hil | Просмотров:1651 | Добавил: Admin | Теги: Isroilning sobiq prezidenti bugun d | Рейтинг: 0.0/0

Всего комментариев: 0