Главная » 2023 » Yanvar » 26 » Isroil kuchlari 9 nafar falastinlikni, jumladan, keksa ayolni otib o‘ldirdi

---

20:18 Isroil kuchlari 9 nafar falastinlikni, jumladan, keksa ayolni otib o‘ldirdi

Isroil kuchlari bosib olingan G‘arbiy Sohilda kamida to‘qqiz nafar falastinlikni o‘ldirdi. Bu haqda Al Jazeera xabar berdi. Ma’lum qilinishicha, Jenin qochqinlar lageriga uyushtirilgan bosqinda yana 20 kishi o‘qdan yaralangan. Falastin rasmiylariga ko‘ra, halok bo‘lganlar orasida keksa ayol ham bor. Jarohat olgan to‘rt kishining ahvoli esa og‘ir. Isroil kuchlari hozir Jenindan chekingan. Jenin kasalxonasi halok bo‘lgan ayol Magda Obayd ekanini aniqlagan, Isroil harbiylari uning o‘limi haqidagi xabarlarni o‘rganmoqda. Falastin sog'liqni saqlash rasmiylari jarohatlanganlar shifoxonaga kelishda davom etayotgani, Isroil kuchlari esa tez yordam mashinalari va shifokorlar ishiga to‘sqinlik qilayotganini ta’kidladi. "Tez yordam haydovchisi jarohati bilan yerda yotgan odamning oldiga borishga harakat qildi, ammo Isroil kuchlari tez yordam mashinasiga o‘q uzib, ularga to‘sqinlik qildi”, — deydi Jenin davlat kasalxonasi rahbari Vissam Beyker. Isroil kuchlari kasalxonaga ko‘zdan yosh oqizuvchi gaz otgan, u bolalar bo‘limiga sizib kirib, ularning bo‘g‘ilishiga sabab bo‘lgan. Falastin bosh vaziri Muhammad Shtayyeh BMT va barcha xalqaro inson huquqlari tashkilotlarini "Falastin xalqini himoya qilish va qon to‘kilishini to‘xtatish uchun zudlik bilan aralashishga” chaqirgan bayonotni bergan. G‘azo sektorini boshqarayotgan HAMAS harakati yetakchisi Solih al-Aruriy qarshiliklarning javobi kechiktirilmasligini qayd etgan.

1 2 3 4 5 Категория: Har-Hil | Просмотров:210 | Добавил: moderator | Теги: yangilik | Рейтинг: 0.0/0

Всего комментариев: 0