Главная » 2023 » Noyabr » 3 » Isroil armiyasi G‘azo shahriga kirganini e’lon qildi

---

08:45 Isroil armiyasi G‘azo shahriga kirganini e’lon qildi

Isroil mudofaa kuchlari bosh shtabi boshlig‘i Gerzi Halevi Isroil harbiylari G‘azo shahriga kirganini e’lon qildi. Bu haqda The Times of Israel xabar berdi. "Biz urushning yana bir muhim bosqichiga o‘tdik. Bizning kuchlarimiz G‘azo shimolining qoq markazida bo‘lib, G‘azo shahrini o‘rab olib, muvaffaqiyatga erishmoqda”, — dedi Halevi. Uning ta’kidlashicha, qo‘shinlar professional jangovarlik va jasoratni talab qiladigan zich va murakkab shahar sharoitida jang qilmoqda. Halevi G‘azo sektorida quruqlikdagi operatsiya boshlanganidan beri 18 nafar isroillik askar halok bo‘lganini aytdi. O‘z navbatida, Isroil bosh vaziri Binyamin Netanyaxu Isroil qo‘shinlari G‘azo shahri chekkasidan o‘tganini aytgan. "Biz jangning eng yuqori cho‘qqisida turibmiz. Ajoyib muvaffaqiyatga erishdik va G‘azo shahrining chekkalaridan o‘tdik. Oldinga siljiyapmiz”, — degan Netanyaxu. Reuters agentligiga ko‘ra, Isroil qo‘shinlari va tanklari 2-noyabr kuni G‘azo shahri tomon oldinga siljigan, biroq Isroil armiyasiga minomyotlardan o‘q uzgan HAMAS jangarilarining qarshiliklariga duch kelgan.

1 2 3 4 5 Категория: Har-Hil | Просмотров:118 | Добавил: Admin | Теги: yangilik | Рейтинг: 0.0/0

Всего комментариев: 0