Главная » 2017 » Fevral » 10 » Internet sekin ishlasa ham belgilangan pulni to‘lash kerakmi?

---

16:58 Internet sekin ishlasa ham belgilangan pulni to‘lash kerakmi?

Savol: Tumanimiz markazidagi internet kafelaridagi internet juda ham sekin ishlaydi. Biron ma'lumotni olish yoki yuborish uchun uzoq vaqt kutishga to‘g‘ri keladi. Ammo to‘lov belgilanganidek internetdan foydalangan soatiga qarab olinadi. Shu to‘g‘rimi?   O‘zbekiston Respublikasi Axborot texnologiyalari va kommunikatsiyalarini rivojlantirish vazirligi matbuot xizmati javob beradi.    Javob: Aloqa, axborotlashtirish va telekommunikatsiya texnologiyalari davlat qo‘mitasidan aholiga internetdan ommaviy foydalanish xizmatini ko‘rsatish bo‘yicha litsenziya olayotgan tadbirkorlik sub'yekti, kelishuvga binoan aholiga sifatli internet xizmatini ko‘rsatish majburiyatini oladi. Mazkur tadbirkorlik  unga xizmat ko‘rsatayotgan provayderdan o‘z punktidagi kompyuterlar miqdoridan kelib chiqib tanlamasligi internet tezligi sekinlashish holati kuzatiladi. Ushbu masala yuzasidan Aloqa, axborotlashtirish va telekommunikatsiyalari sohalarining davlat nazorati bo‘yicha Davlat inspeksiyasining hududiy bo‘linmasiga murojaat qilish kerak.   Inspeksiya mulkchilik shakli va idoraviy mansubligidan qat'i nazar pochta va telekommunikatsiya xizmatlarini taqdim etuvchi barcha korxonalar, muassasalar va tashkilotlar tomonidan amaldagi qonun va normativ hujjatlar, davlat va tarmoq standartlari talablari hamda pochta va telekommunikatsiyalar sohasidagi belgilangan sertifikatlashtirish tartibi bajarilishining davlat nazorati, iste'molchilar huquqlarini himoya qilish hamda pochta va telekommunikatsiyalar xo‘jalik yurituvchi subektlari tomonidan taqdim etiladigan xizmatlar sifatini ta'minlash bo‘yicha chora-tadbirlarni amalga oshiradi.   Aholiga yuqori tezlikdagi internetni taqdim etish maqsadida barcha tuman va shaharlarda optik aloqa tolali telekommunikatsiya xizmatlarini joriy qilish bo‘yicha chora-tadbirlar olib borilmoqda. Mazkur FTTX texnologiyasi soniyasiga 100 mbgacha tezlikdagi ma'lumot olish va uzatish imkonini beradi.   O‘zbekiston Respublikasi Axborot texnologiyalari va kommunikatsiyalarini rivojlantirish vazirligining aloqa raqami: (+998 71) 238 41-07

1 2 3 4 5 Категория: Har-Hil | Просмотров:1688 | Добавил: Admin | Теги: Internet sekin ishlasa ham belgilan | Рейтинг: 0.0/0

Всего комментариев: 0