Главная » 2020 » Fevral » 13 » Humo Air aviakompaniyasi Humo Air tovar belgisini sotib olishga tayyorligini bildirdi

---

13:28 Humo Air aviakompaniyasi Humo Air tovar belgisini sotib olishga tayyorligini bildirdi

Humo Air aviakompaniyasi Humo Air reklama agentligidan tovar belgisini sotib olishga tayyor. Bu haqda Transport vaziri Elyor G‘aniyevga tayanib, Spot xabar berdi. "Aviakompaniya endi tovar belgisini sotib oladimi?” deya berilgan savolga vazir "albatta, ha”, deya javob qaytargan. "Bularning barchasi amalga oshadi. Barchasi rasman ro‘yxatdan o‘tkazilgan”, — deydi vazir aviakompaniyaning nafaqat tovar belgisi, balki domeni ham olib qo‘yilgani to‘g‘risidagi savolga javob berarkan. 18-yanvar kuni ertalab bosh vaziri Abdulla Aripov Humo Air davlat aviakompaniyasi yaratilishini ma’lum qildi. Shu kunning o‘zida noma’lum jismoniy shaxs "Humoair.uz” domenini 2021-yilga qadar o‘z nomiga ro‘yxatdan o‘tkazgan. Oradan ikki kun o‘tgach, Humo Air tovar belgisi ham ro‘yxatdan o‘tkazilgan. Shundan so‘ng "Humoair.uz” sayti ishga tushirilib, unga Humo Air reklama agentligining ma’lumotlari joylashtirilgan. Intellektual mulk sohasidagi ekspertlarning ta’kidlashicha, aviakompaniyaning tovar belgisi va domeni qonuniy ravishda hamda hech qanday huquqlar buzilmagan holda olingan. "Shu sababli hech bo‘lmaganda tovar belgisini ro‘yxatdan o‘tkazib, keyin e’lon qilish kerak edi. O‘shanda domenni qaytarib olish imkoni bo‘lardi”, — deydi ekspert. Ta’kidlanishicha, domen va tovar belgisi bir kishiga tegishli, shu sabab aviakompaniya uni sotib olishi yoki Humo Air nomidan voz kechib, boshqa nom topishi kerak.

1 2 3 4 5 Категория: Har-Hil | Просмотров:490 | Добавил: moderator | Теги: yangilik | Рейтинг: 0.0/0

Всего комментариев: 0