Главная » 2020 » May » 14 » Habibning otasi komadan chiqdi. Unga nima bo‘lgani aytildi

---

21:06 Habibning otasi komadan chiqdi. Unga nima bo‘lgani aytildi

Avvalroq, UFC jangchisi Habib Nurmuhamedovning otasi Abdulmannap Nurmuhamedov komaga tushib qolgani haqida xabar bergan edik. So‘nggi ma’lumotlarga ko‘ra, u komadan chiqqan. Bu haqda uning do‘sti Ramazon Rabadanov ma’lum qildi. "Abdulmannap bugun o‘ziga keldi. Men hali u bilan gaplashmadim. Kecha u yurak jarrohligidan keyin koma holatida tushib qolgandi”, deydi Abdulmannapning do‘sti va sport sharhlovchisi Ramazon Rabadanov. Rabadanovning so‘zlariga ko‘ra, katta Nurmuhamedov hozirda Moskva harbiy gospitalida. Uning oldiga kirishga hech kimga ruxsat yoq. Shifokorlar vaziyatni to‘liq nazorat qilib, bemorning ahvolini kuzatmoqda. Shuningdek, u Abdulmannap Nurmuhamedov Maxachkala yaqinidagi sport bazasi qurilishida ikki hafta o‘tkazgandan keyin shamollaganini esladi. Rabadanovning aytishicha, u uyga qaytgach, shifokorlarga murojaat qilmagan. "Shamollash jiddiylashganda ukasi unga shifokor chaqirishini aytdi. Shunda ham Abdulmannap shifokor chaqirmadi. Faqat ahvoli yomonlashgandan so‘nggina uning oilasi tez tibbiy yordam chaqirishdi. Uni ikkinchi shahar shifoxonasiga olib borishdi va u yerda intensiv tarzda davolashdi", deydi Ramazon Rabadanov. Rabadanovning so‘zlariga ko‘ra, shifoxonada Nurmuhamedovga kislorod yetishmasligiga yordam beradigan, ammo boshqa a’zolarga nojo‘ya ta’sir qiladigan dori berilgan. Shundan so‘ng, uni ahvoli battar og‘irlashgan va samolyotda Moskvaga olib kelingan. Habibning otasidan shifoxonada COVID-19 uchun tahlil olingan. Test javoblari hali chiqmadi.

1 2 3 4 5 Категория: Har-Hil | Просмотров:652 | Добавил: moderator | Теги: yangilik | Рейтинг: 0.0/0

Всего комментариев: 0