Главная » 2022 » Mart » 11 » Gruziya O‘zbekistonga avtomobillar reeksportini keskin ko‘paytirdi

---

23:37 Gruziya O‘zbekistonga avtomobillar reeksportini keskin ko‘paytirdi

2022-yilning yanvar oyida Gruziyaning Markaziy Osiyoga avtomobillar reeksporti 4,4 million dollarni tashkil etdi. Bu haqda Gruziya milliy statistika hisobotida qayd etilgan. Gruziyadan O‘zbekistonga avtomobillar reeksporti 321 350 dollarni tashkil etdi, bu 2021-yilning shu davriga nisbatan 201,8 foizga o‘sdi deganidir. Reeksport — mamlakat o‘zi import qilgan avtomobillarni boshqa davlatlarga sotishdir. Ya’ni Gruziya avtomobillarni boshqa davlatdan sotib olib, O‘zbekistonga sotmoqda. O‘zbekistonda avtomobil importi va eksporti qanday? O‘zbekiston yanvar oyida 65,7 mln dollarlik avtomobillar import qilgan. Bu ko‘rsatkich o‘tgan yilning shu davriga nisbatan 11,3 barobarga ko‘proqdir. 2021-yilning yanvar oyida O‘zbekiston jam 5,8 mln dollarlik avtomobil import qilgan edi. Avtomobillar eksporti esa yanvar oyida 8,7 mln dollarni tashkil qildi. Bu o‘tgan yilning shu davriga nisbatan 50,5 foizga kamroq.  Shunday qilib, yanvar oyida avtomobillar importi ularning eksportidan 7,5 barobar ko‘proq bo‘ldi.

1 2 3 4 5 Категория: Har-Hil | Просмотров:321 | Добавил: moderator | Теги: yangilik | Рейтинг: 0.0/0

Всего комментариев: 0