Главная » 2023 » Avgust » 1 » Gonkongda ekstremal bloger 68-qavatdan yiqilib, halok bo‘ldi

---

22:21 Gonkongda ekstremal bloger 68-qavatdan yiqilib, halok bo‘ldi

30 yoshli ekstremal sportchi Remi Luchidi Gonkongdagi osmono‘par binoning 68-qavatidan yiqilib, halok bo‘ldi. Bu haqda South China Morning Post xabar berdi. Ma’lum qilinishicha, bloger Tregunter Tower majmuasiga chiqishga uringan. Soat 18:00 atrofida Luchidi binoga kelgan va qo‘riqchiga 40-qavatdagi do‘sti bilan ko‘rishishini aytgan. Biroq bu qavatdagi erkak aslida uning do‘sti emasligi ma’lum bo‘lgan. Qo‘riqchilar erkakni hibsga olishga harakat qilgan, ammo o‘sha paytda ekstremal bloger allaqachon liftda bo‘lgan. Videokuzatuv kameralarida Luchidining 49-qavatdan chiqib, zinapoyadan tomga ko‘tarilayotgani aks etgan. Qo‘riqchilar tomdagi lyuk ochiqligini payqagan, ammo bloger ko‘rinmagan. Remi Luchidi oxirgi marta soat 19:38 da penthaus oynasini taqillatganda ko‘rinish bergan. Shundan so‘ng binoga qarovchi xizmatchi politsiyani chaqirgan. Anonim manbaning aytishicha, Luchidi voqea sodir bo‘lishidan oldin penthaus tashqarisida qolib ketgan va yordam so‘rab derazani taqillatgan. Voqea joyida Luchidining xavfli sayohati muhrlangan kamera topilgan. Politsiya hozircha o‘limning rasmiy sababini oshkor qilmagan.

1 2 3 4 5 Категория: Har-Hil | Просмотров:76 | Добавил: moderator | Теги: yangilik | Рейтинг: 0.0/0

Всего комментариев: 0