Главная » 2018 » Noyabr » 27 » Go‘shtni qachon, qanday va qancha iste'mol qilish kerak

---

19:27 Go‘shtni qachon, qanday va qancha iste'mol qilish kerak

Sog‘lom ovqatlanishga rioya qiluvchilar orasida go‘sht iste'mol qilish tartibi doim muhokamalarga sabab bo‘lib kelgan. Kimlardir go‘shtda oqsil borligi uchun ko‘p iste'mol qilinishi lozim desa, yana kimlardir uni hazm bo‘lish jarayonidagi zararli ta'sirlar tufayli cheklashga harakat qilishadi. Aslida qanday bo‘lishi kerak? Bu haqida quyidagi ma'lumotlar so‘zlaydi:   go‘shtda mavjud bo‘lgan oqsil tana a'zolariga foydali. Biroq me'yoridan ortiq iste'mol qilinsa, uning foydasiga nisbatan zarari ko‘payadi;   oqsilni faqat go‘shtdan izlash xato. Sababi, biologik oqsillar tuxum, sut, baliq, tovuq go‘shti, guruch, bug‘doy kabi mahsulotlarda va mevalarda ko‘p miqdorda bo‘ladi;   go‘shtdagi oqsilga bo‘lgan talabning o‘rnini tuxum, parranda go‘shti va baliq iste'mol qilish orqali o‘zgartirish mumkin. Bu bir vaqtning o‘zida ortiqcha vazn muammosini hal qilishga ham yordam beradi;   go‘sht iste'mol qilishni haftada bir yoki ikki martaga kamaytirish kerak. Tadqiqotlar o‘ta qizil va lahm go‘shtni ko‘p yeyishni saraton xavfining oshishi bilan bog‘laydi;   iloji boricha nonushtada go‘shtli mahsulotlardan voz kechish va tuxum iste'mol qilish anchagina foydali.   go‘shtni xona sharoitida pishirganda yog‘dan foydalanish tavsiya etilmaydi. Bu qo‘shimcha kaloriyaga sabab bo‘ladi;   tanadagi oqsilga bo‘lgan ehtiyojni yong‘oq, dukkakli mahsulotlar va sabzavotlarga boy taomlarni iste'mol qilish orqali ham qondirish mumkin. Bu kechki tanovvulda go‘sht yeyishdan ko‘ra foydaliroq va yengil hazm bo‘lish xususiyatiga ega.   go‘shtdan voz kecha olmaydigan qatlam uni sabzavotlar bilan birgalikda iste'mol qilsa ortiqcha kaloriyalar parchalanadi va zarar kamayadi.

1 2 3 4 5 Категория: Har-Hil | Просмотров:1037 | Добавил: Admin | Теги: qanday va qancha iste'mol qilish ke, Go‘shtni qachon | Рейтинг: 0.0/0

Всего комментариев: 0