Главная » 2022 » Yanvar » 28 » Germaniyada rossiyalik olim josuslikda ayblanmoqda

---

15:09 Germaniyada rossiyalik olim josuslikda ayblanmoqda

Germaniya prokuraturasi Bavariya universitetida ishlagan rossiyalik olimni josuslikda ayblamoqda, deb xabar beradi Deutsche Welle. Germaniya rasmiylarining ta’kidlashicha, Ilnur N. ismli ayblanuvchi Rossiya Tashqi razvedka xizmatiga Ariane Yevropa kosmik raketalar dasturiga oid ma’lumotlarni bergan. "Ilnur.N aerokosmik texnologiyalar sohasidagi tadqiqot loyihalariga, xususan, Ariane tashuvchi raketasi ustida olib borilayotgan ishlarning turli bosqichlari haqidagi ma’lumotlarni topshirib kelgan”, — deyiladi bayonotda. Mamlakat prokuraturasining ayblov hujjatlarida qayd etilishicha, olim va uning Tashqi razvedka xizmatidagi kuratori o‘rtasida muntazam uchrashuvlar bo‘lib turgan. Aniqlanishicha, ayblanuvchi 2019-yilning kuzidan buyon maxfiy ma’lumotlarni yig‘ib kelgan. Olim Ariane loyihasi bo‘yicha qanday ma’lumotlarni qo‘lga kiritgani oshkor etilmagan. Prokurorlarning ta’kidlashicha, u Rossiya josuslik agentligiga ma’lumotlarni topshirgani evaziga jami 2,5 ming yevro pul olgan. Nashr ma’lumotlariga ko‘ra, Ilnur N. 2021-yilning 18-iyunida hibsga olingan. Bunga qadar esa Bavariyada fan va texnologiya professorining ilmiy assistenti sifatida ishlagan. Nemis prokuraturasi u ishlagan universitet nomini ma’lum qilmagan. Ayblov xulosasi 9-dekabr kuni e’lon qilingan va Myunxen sudiga topshirilgan. Noqonuniy josuslik faoliyati to‘g‘risidagi moddaga ko‘ra, rossiyalik erkak besh yilgacha ozodlikdan mahrum etilishi mumkin. Eslatib o‘tamiz, mart oyida Bolgariyada ikki nafar rossiyalik diplomat josuslikda gumon qilinib, Rossiyaga qaytarib yuborilgandi. Sofiyadagi Rossiya elchixonasi Bolgariya hukumatining navbatdagi asoslanmagan harakati Rossiya—Bolgariya o‘rtasidagi konstruktiv muloqotga xizmat qilmasligini qayd etgan. Elchixona Rossiya mazkur harakatlarga nisbatan javob qaytarish huquqiga ega ekanligini eslatib o‘tgandi.

1 2 3 4 5 Категория: Har-Hil | Просмотров:401 | Добавил: moderator | Теги: yangilik | Рейтинг: 0.0/0

Всего комментариев: 0