Главная » 2022 » May » 16 » Germaniyada Alisher Usmonovga tegishli villalarni musodara qilishga chaqirishmoqda

---

15:19 Germaniyada Alisher Usmonovga tegishli villalarni musodara qilishga chaqirishmoqda

Germaniyaning "Yashillar” partiyasi Bavariyaning Rottax-Egern kommunasidagi Alisher Usmonovga aloqador villalarni musodara qilishga chaqirdi. Bu haqda Forbes xabar bermoqda. Mahalliy siyosatchi, "Yashillar” partiyasi va Rottax-Egern shahar kengashi a’zosi Tomas Tomashek rasmiylardan villalarni tortib olishni talab qilmoqda. Mart oyi oxirida u villalar yaqinida 300 ga yaqin odamni to‘plab, norozilik namoyishini uyushtirgan edi. Bizda bu oligarxlar bilan ma’naviy muammo bor. Menga ko‘pchilik: Shovqin qilmang, bu bizning ishimiz emas, deyishadi. Menimcha esa bu aynan bizning ishimiz, — deydi Tomashek. Mahalliy hokimiyat va tadbirkorlar uning tashabbusiga qarshi. Rottach-Egern meri Kristian Kek faolni "jodugar ovi”da ayblab, Tomashekni aksiya o‘tkazishdan qaytarmoqchi bo‘ldi. Tomashekning g‘oyasini shahar kengashining boshqa a’zolari ham qo‘llab-quvvatlamadi, ulardan biri Usmonovning arxitektori bo‘lib ishlagan. Villalarni ta’mirlash bilan shug‘ullanadigan mahalliy usta Andreas Kitzeru turar joylarni musodara qilish g‘oyasini g‘ayritabiiy deb hisobladi. Uning ta’kidlashicha, Usmonov har doim ehtiyotkor bo‘lgan va uning Ukrainadagi urushga hech qanday aloqasi yo‘q. Rossiyalik milliarder Kitzerudan va yana bir qancha xodimlaridan 1 mln dollarga yaqin qarzdor, biroq sanksiyalar tufayli ularni to‘lay olmaydi. Shu bilan birga, ba’zi mahalliy aholiga ko‘ra, oligarxlarni tanqid qiluvchilar ko‘pchilikning fikrini bildiradi, bu esa rasmiylar va biznes vakillari tomonidan e’tiborga olinmayapti. Ularga ko‘ra, siyosatchilar va tadbirkorlar shaharning badavlat aholisiga xizmat ko‘rsatishdan naf ko‘rmoqda, qolganlari esa narxlarning kuchli oshishi tufayli shaharni tark etishga majbur bo‘lmoqda. Usmonovning matbuot xizmati Rottach-Egerndagi mulk bir necha yil oldin to‘liq shaffof va qonuniy tarzda oilaviy trastga o‘tkazilganini va tadbirkorning Ukrainadagi urushga aloqasi yo‘qligini ta’kidladi. Birovning qonuniy yo‘l bilan qo‘lga kiritilgan mulkini musodara qilishni talab qilish sof shaklda huquqiy nigilizmdir. Usmonov adolat qaror topib, unga nisbatan cheklovlar olib tashlanganidan keyin shaharga qaytishga umid qilmoqda, — deyiladi bayonotda. Avvalroq Alisher Usmonovning "Dilbar” yaxtasi ekipaj xodimlarisiz qolgani haqida xabar berilgan edi.

1 2 3 4 5 Категория: Har-Hil | Просмотров:405 | Добавил: moderator | Теги: yangilik | Рейтинг: 0.0/0

Всего комментариев: 0