Главная » 2023 » Oktyabr » 31 » Fransiyada rossiyalik milliarder Aleksey Kuzmichev hibsga olindi

---

21:54 Fransiyada rossiyalik milliarder Aleksey Kuzmichev hibsga olindi

Rossiyalik milliarder Aleksey Kuzmichev Fransiyada hibsga olindi, biroq unga nisbatan hech qanday ayblov qo‘yilmagan. Bu haqda Fransiya prokuraturasiga tayanib, Le Monde xabar berdi. Ma’lum qilinishicha, Aleksey Kuzmichev soliq to‘lashdan bo‘yin tovlaganlik, pul yuvish va xalqaro sanksiyalarni buzganlikda ayblanib, so‘roq qilish uchun Fransiyada hibsga olingan. Kuzmichevning Parijdagi uyida va Provansdagi departamentida tintuvlar bo‘lib o‘tgan. "Kuzmichev hamon hibsda, ammo bu ish bo‘yicha unga qarshi ayblovlar hali qo‘yilmagan”, — deb yozadi Reuters.  Kuzmichevning advokati bilan bog‘lanib bo‘lmagan. O‘tgan yili Fransiya bojxonachilari Kuzmichevning Rossiya prezidenti Vladimir Putin bilan aloqalari bo‘yicha joriy etilgan Yevropa Ittifoqi sanksiyalari doirasida 27 metrlik La Petite Ourse yaxtasini musodara qilgandi. Milliarder Alfa Group asoschisi va Alfa Bankning sobiq aksiyadori bo‘lib Fransiya hukumatini sudga bergan. Tadbirkorga yaqin bo‘lgan BBC manbasi tintuvlar haqidagi ma’lumotni tasdiqlagan va Kuzmichev bilan bog‘liq turli manzillarga o‘nlab politsiyachilar kelganini aytgan. Le Monde nashrining yozishicha, biznesmenning Parijdagi uyi va Sankt-Tropezdagi villasida o‘tkazilgan tintuvlar chog‘ida, boshqa narsalar qatorida, pullar ham topilgan. Kuzmichev Alfa Group’ning boshqa asoschilari bilan birga Yevropa Ittifoqi va AQSHning sanksiyalar ro‘yxatiga kiritilgan. Le Monde nashrining yozishicha, sanksiyalar 2022-yilning mart oyida kuchga kirganida Kuzmichev allaqachon Fransiyada bo‘lgan.  O‘tgan yilning dekabr oyida Alfa Group’ning yana bir asoschisi Mixail Fridmanning Londondagi saroyida tintuv o‘tkazilgan. Tadbirkor sanktsiyalarni chetlab o‘tish uchun til biriktirish, pul yuvish va yolg‘on guvohlik berishda gumon qilingan.

1 2 3 4 5 Категория: Har-Hil | Просмотров:180 | Добавил: Admin | Теги: yangilik | Рейтинг: 0.0/0

Всего комментариев: 0