Главная » 2018 » Iyun » 15 » Fransiyada eshiklari marshrutkaniki kabi ochiladigan zirhli avtomobil yaratildi

---

08:42 Fransiyada eshiklari marshrutkaniki kabi ochiladigan zirhli avtomobil yaratildi

Parijda bo‘lib o‘tgan Eurosatory harbiy texnika ko‘rgazmasida Arquus kompaniyasining Scarabee nomli yengil zirhli avtomobili namoyish etildi, deb xabar berdi "Motor”. Taxminlarga ko‘ra, mazkur avtomobil fransuz armiyasida 1990-yildan beri foydalanib kelinayotgan Panhard VBL zirhli mashinasining o‘rnini egallaydi. Arquus — bu Renault Truck Defense, Panhard va ACMAT kompaniyalarning qo‘shilishidan hosil bo‘lgan zirhli texniklarni ishlab chiqaruvchi Fransiyadagi yangi firma hisoblanadi. Arquus "Skarabey”ning namunasini sinovdan o‘tkazishni boshlab yuborgan. O‘lchami jihatidan u Panhard VBL’dan ancha yirik. O‘ziga xos jihati — haydovchiga mo‘ljallangan o‘rindiqning markazda joylashganligi va suriladigan eshiklar. Bu yo‘lovchilar uchun qulaylikni yaratishga xizmat qiladi. Zirhli avtomobil dizel va elektro gibrid dvigatellar yordamida harakatlanadi. Ixtirochilarning ma’lum qilishicha, zirhli avtomobil masofadan turib boshqariluvchi Hornet 30 jangovar moduli bilan jihozlanishi mumkin.

1 2 3 4 5 Категория: Har-Hil | Просмотров:1586 | Добавил: Moderator | Рейтинг: 0.0/0

Всего комментариев: 0