Главная » 2023 » Mart » 29 » Fransiya prezidentini ijtimoiy tarmoqda haqorat qilgan ayol hibsga olindi

---

23:41 Fransiya prezidentini ijtimoiy tarmoqda haqorat qilgan ayol hibsga olindi

Fransiya politsiyasi ijtimoiy tarmoqda mamlakat prezidenti Emmanuel Makronni haqorat qilgan ayolni hibsga oldi. Bu haqda Le Progress nashri xabar berdi.  Ma’lum qilinishicha, ayol Facebook’dagi sahifasida siyosatchini "musor” deb atagan. 24-mart kuni uning uyiga uch nafar politsiya xodimi kelib, uni "davlat hokimiyati boshqaruvchisiga nisbatan hurmatsizlik” aybi bilan politsiya bo‘limiga olib ketgan. Ayol ustidan u yashaydigan tumanning prefekti o‘rinbosari Giyom Tirard shikoyat qilgan. "Ayolning Facebook sahifasi politsiya e’tiborini tortdi. U 21-mart kuni ijtimoiy tarmoqda ’musor ertaga soat 13:00 da gapiradi’ degan post qoldirgan. Ertasi kuni Emmanuel Makron France 2 va TF1 telekanallarida intervyu berishi kerak edi”, — deyiladi xabarda. Ayolga nisbatan sud jarayoni 20-iyun kuni bo‘lib o‘tishi rejalashtirilgan. Fransiya Jinoyat kodeksining 433-5-moddasiga ko‘ra, u bir yil qamoq jazosi va 15 ming yevro (16 250 dollar) miqdorida jarimaga tortilishi mumkin. Fransiyada 2023-yil yanvaridan pensiya yoshini oshirishga qarshi keng ko‘lamli namoyishlar o‘tkazilmoqda.

1 2 3 4 5 Категория: Har-Hil | Просмотров:203 | Добавил: moderator | Теги: yangilik | Рейтинг: 0.0/0

Всего комментариев: 0