Главная » 2020 » Noyabr » 5 » Ford Mustang kapoti ostiga kirib olgan ulkan piton

---

13:57 Ford Mustang kapoti ostiga kirib olgan ulkan piton

Florida shtatidagi avtoturargohda turgan Ford Mustang’ning kapoti ostiga ulkan piton kirib oldi. Avtomobil egasi sudralib yuruvchini ushlash uchun maxsus xizmat xodimlarini chaqirishga majbur bo‘lgan. Motor bo‘lmasidagi uch metrli ilonning videosi Amerika ijtimoiy tarmoqlarining haqiqiy xitiga aylandi, deb yozadi Motor. Havorang Ford Mustang egasi ilonni avtomobilni o‘t oldirganida motor bo‘lmasidan chiqqan noodatiy shovqindan so‘ng payqab qolgan. Ma’lum bo‘lishicha, kapot ostida inson faoliyati ta’sirida Florida shtatiga kelib qolgan yirik ilon — piton o‘ralib yotgan. Florida baliqlar va yovvoyi tabiatni qo‘riqlash komissiyasining (FWC) hisoblashicha, bu kabi yo‘lbars-pitonlar invaziv tur hisoblanadi (hududga, atrof-muhitga, inson salomatligiga yoki iqtisodiyotga zarar yetkazadigan begona tur) va ularga duch kelinganida xabar berilishi kerak. Floridada ushbu turga kiruvchi pitonlar zararkunanda hisoblanadi, shu sababli FWC odamlarni imkoni boricha bu kabi ilonlarni o‘ldirishga chaqiradi. Yovvoyi tabiatda yo‘lbars-pitonlarning uzunligi 3-5 metrga yetadi. Ijtimoiy tarmoq foydalanuvchilarining yozishicha, ilon Mustang’dan chiqarib olingach u Super Snake bo‘lmay qolgan. Umuman olganda, Floridada yo‘lbars-pitonlar jiddiy muammo hisoblanadi, hukumat har yili minglab ulkan ilonlarni tutishga majbur.

1 2 3 4 5 Категория: Har-Hil | Просмотров:556 | Добавил: moderator | Теги: yangilik | Рейтинг: 0.0/0

Всего комментариев: 0