Главная » 2018 » May » 9 » “Forbes” reytingida Xitoy, Rossiya va AQSH prezidentlari yetakchi, qolganlar esa...

---

16:20 “Forbes” reytingida Xitoy, Rossiya va AQSH prezidentlari yetakchi, qolganlar esa...

Xitoy, Rossiya va AQSH davlati rahbarlari "Forbes” jurnali e'lon qilgan dunyoning eng e'tiborli odamlari ro‘yxatida dastlabki uch o‘rinni egalladi.   Ta'kidlanishicha, ro‘yxatga kiritilgan 75 nafar odam dunyoda sodir bo‘layotgan voqyealar rivojini belgilab beradi.   Ro‘yxatda birinchilikni Xitoy Xalq Respublikasi raisi Si Szinpin egalladi. U joriy yil mart oyida Komunistik partiya majlisida Konstitutsiyaga o‘zgartirish kirita oldi va shu yo‘l bilan o‘z imkoniyatlarini kengaytirishga erishdi.   Ikkinchi o‘rinni Rossiya prezidenti Vladimir Putin band etgan bo‘lib, u to‘rt yildan buyon ro‘yxatning yuqori o‘rinlaridan pastga tushmayapti.   Putin joriy yil mart oyida bo‘lib o‘tgan saylovda 77 foiz ovoz to‘plab to‘rtinchi marta Rossiya prezidentligiga saylandi.   AQSH prezidenti Donald Tramp esa, ro‘yxatda uchinchi o‘rinni egalladi. Ta'kidlash joizki, Amerika prezidenti atrofidagi ko‘plab mojaroli vaziyatlar uning obro‘siga putur yetkazishi ehtimoli yo‘q emas. Ma'lumki, Tramp dunyodagi iqtisodiyoti eng qudratli davlat rahbari va shaxsiy biznes egasi hisoblanadi.   Shuningdek, ro‘yxatning dastlabki o‘ntaligida Germaniya kansleri Angela Merkel, "Amazon” bosh boshqaruvchisi Jeff Bezos, Rim papasi Fransisk, "Microsoft” kompaniyasi asoschisi Bill Geyts, Saudiya Arabistoni valiahd shahzodasi Muhammad bin Salmon, Hindiston Bosh vaziri Narendra Modi va "Google” asoschisi Larri Peyj nomlari qayd etilgan.

1 2 3 4 5 Категория: Har-Hil | Просмотров:1127 | Добавил: Moderator | Рейтинг: 0.0/0

Всего комментариев: 0