Главная » 2020 » Fevral » 11 » Farg‘onadagi tanasidan 16 dona igna topilgan bola 3 yoshga to‘ldi

---

20:20 Farg‘onadagi tanasidan 16 dona igna topilgan bola 3 yoshga to‘ldi

2018-yili Farg‘ona viloyatining Toshloq tumanidan bo‘lgan 11 oylik chaqaloqning tanasidan 16 dona igna topilgani haqidagi xabar ijtimoiy tarmoqlarda keng yoritilgandi. Bir necha jarrohlik amaliyoti bilan hayoti saqlanib qolingan bola mustaqil harakatlana boshladi. Bu haqda O‘zA xabar berdi. — 11-fevral — farzandimiz Azizbekning tug‘ilgan kuni, u uch yoshga to‘ldi. O‘g‘limizning hayoti uchun kurashgan shifokorlardan juda ham minnatdormiz. Injiqliklari kamaydi, yurishga harakat qilyapti. O‘g‘limning tanasida igna borligini Rossiyada eshitgandim. Toshkentga kelib, operatsiyada yonida bo‘ldim, — deydi bolaning dadasi Azimjon Xudoyberdiyev. Respublika shoshilinch tibbiy yordam ilmiy markazida malakali shifokorlar tomonidan chaqaloq Azizbek Abdumajidov operatsiya qilindi va tanasidan 13 ta igna chiqarib olindi. Ayni paytda bola tanasidagi 3 ta igna uning hayotiga xavf solmaydigan joylarda turibdi. Tibbiy tahlillarga ko‘ra, hozircha ushbu ignalarning bola sog‘lig‘iga salbiy ta’siri yo‘q. Agar u bolani bezovta qilsa, kelgusida operatsiya yo‘li bilan olib tashlash mumkin.

1 2 3 4 5 Категория: Har-Hil | Просмотров:562 | Добавил: moderator | Теги: yangilik | Рейтинг: 0.0/0

Всего комментариев: 0