Главная » 2023 » Iyul » 27 » Farg‘ona viloyati IIB boshlig‘i Muhiddin Jo‘rayev ishdan olindi

---

23:19 Farg‘ona viloyati IIB boshlig‘i Muhiddin Jo‘rayev ishdan olindi

Prezident boshchiligida o‘tayotgan yig‘ilishda Farg‘ona viloyati IIB boshlig‘i ham ishdan olindi, deb xabar bermoqda Prezident matbuot xizmati. Unga ko‘ra, Beshariqda aniqlangan ana shu zaxiralar hisobiga, joriy yilda 100 million dollarlik 19 ta yirik loyihani boshlash va qo‘shimcha 10 milliard so‘m soliq tushumini taʼminlash uchun barcha imkoniyatlar bor. Bu orqali joriy yilning o‘zida 14 ming aholi doimiy ish joyi, daromad manbasiga ega bo‘ladi. Prezident Farg‘onada boshlangan ushbu tajribani barcha hududlarda yo‘lga qo‘yish uchun yil yakuniga qadar "safarbarlik” eʼlon qildi. Har bir tuman uchun yil yakunigacha kamida 100 million dollardan investitsiya jalb qilish bo‘yicha aniq takliflar ishlab chiqish topshirildi. Xususiy loyiha tashkilotlarini olib kelib, Farg‘onadagi barcha tumanlarning master-rejalarini ishlab chiqish, yerlarning bozor qiymatini aniqlab, tadbirkorlarga taklif qilish vazifasi qo‘yildi. Minimal isteʼmol xarajatlari miqdori 500 ming so‘mdan 570 ming so‘mga oshirilgani sababli Farg‘onada yana 9 ming oila kambag‘al toifasiga qo‘shildi. Shu bois mutasaddilarga ushbu oilalarning har biriga hokim yordamchilarini biriktirib, ularning daromadini oshirish choralarini ko‘rish topshirildi. Farg‘onada aholiga dehqonchilik uchun auksionga chiqarilib, talabgor aniqlanmagan 1 ming 157 gektar ekin yerlarini aholi uchun qulay hududlarga almashtirish, bu yerlarda kamida 15 ming ish o‘rni yaratishga ko‘rsatma berildi. Shuningdek, davlat rahbari viloyatda jinoyatchilik va huquqbuzarliklarga qarshi kurashish masalasiga alohida to‘xtalib, bu boradagi ishlar ahvoli qoniqarsizligini tanqid qildi. Faoliyatida yo‘l qo‘ygan kamchiliklar uchun Farg‘ona viloyati ichki ishlar boshqarmasi boshlig‘i M.Jo‘rayev lavozimidan ozod etildi. Yig‘ilish yakunida hudud va sohalar rahbarlarining hisoboti tinglandi.

1 2 3 4 5 Категория: Har-Hil | Просмотров:146 | Добавил: moderator | Теги: yangilik | Рейтинг: 0.0/0

Всего комментариев: 0