Главная » 2016 » Sentyabr » 23 » Facebook messenjerida 2ta yangi qulaylik paydo bo‘ldi

---

20:10 Facebook messenjerida 2ta yangi qulaylik paydo bo‘ldi

Ushbu imkoniyatlardan biri ilk bor "VKontakte”da paydo bo‘lgandi. Facebook kompaniyasining qo‘l telefonlarida foydalaniladigan Messenger ilovasiga 2ta yangi imkoniyat qo‘shildi. Bu haqda "Hitech.vesti.ru” nashri ma'lumot bermoqda.   Birinchi qulaylik so‘zlashuv ishtirokchilariga biror mavzuda so‘rovnoma o‘tkazish imkonini bersa, ikkinchisida esa Chat Assist texnologiyasi yordamida foydalanuvchi qachon pul jo‘natmalarini yuborishni istayotganini bilish mumkin bo‘ladi.   So‘rovnomalar 3 kishidan kam bo‘lmagan guruhlarda o‘tkazilishi mumkin. Hozircha bu qulaylikdan faqat AQSH fuqarolari foydalanishlari mumkin.   "Odamlar ko‘pincha biror bir masalada qaror qabul qilishga ikkilanishadi. Bu qaysi filmni tomosha qilish, qaysi restoranga borib ovqatlanish kabilar bo‘lishi ham mumkin. Mazkur qulaylik qaror qabul qilishga qiynalayotgan yoki masalahat istayotgan kishilar uchun ayni muddao”, deyiladi xabarda.   Maxsus tugmani bosish barobarida paydo bo‘lgan matn qatoriga foydalanuvchi o‘ziga qiziq bo‘lgan savolni yozishi va omma e'tiboriga havola etishi mumkin.   Ikkinchi ilova esa bundanda qulay. Chat Assist ilovasi foydalanuvchining yozishmalarini hisobga olgan holda unga biror mavzuda maslahat beradi. Agar gap pul o‘tkazish haqida ketayotgan bo‘lsa, u suhbatdoshga pul o‘tkazmasini amalga oshirish taklifini ham berishi mumkin.   Ma'lumot uchun, ayni haftada "VKontakte” ijtimoiy tarmog‘i orqali ham naqd pulsiz o‘tkazmalar amalga oshirilgandi. Eng kichik o‘tkazma 100 rublni eng katta o‘tkazma esa 75 ming rublni tashkil etgan.

1 2 3 4 5 Категория: Har-Hil | Просмотров:1455 | Добавил: Admin | Теги: Facebook messenjerida 2ta yangi qul | Рейтинг: 0.0/0

Всего комментариев: 0