Главная » 2023 » Yanvar » 10 » Eron sobiq prezidentining qizi namoyishlarni qo‘llab-quvvatlagani uchun qamoqqa hukm qilindi

---

21:35 Eron sobiq prezidentining qizi namoyishlarni qo‘llab-quvvatlagani uchun qamoqqa hukm qilindi

Eron sobiq prezidenti Ali Akbar Hoshimiy Rafsanjaniyning qizi Faizi Rafsanjaniy mamlakatdagi norozilik namoyishlarini qo‘llab-quvvatlagani uchun besh yilga ozodlikdan mahrum etildi. Bu haqda Arab News xabar berdi. Ayolning advokati Neda Shams mazkur ma’lumotni tasdiqlagan. "Faizi Hoshimiy xonim o‘zining so‘nggi ishi bo‘yicha qo‘yilgan ayblovlar bo‘yicha vaqtinchalik 5 yillik qamoq jazosiga hukm qilindi”, — deydi u. Rasmiylar Faizini milliy xavfsizlikka qarshi tashviqot va harakatlarda ayblamoqda. 60 yoshli Hoshimiy sentabr oyida Tehronda umummilliy namoyishlarda ishtirok etishga chaqirgani uchun hibsga olingandi. Uning advokati Neda Shams sud qarori ustidan shikoyat qilishni rejalashtirayotganini qo‘shimcha qilgan. 2012-yilda ayol "Islom respublikasiga qarshi targ‘ibot”da ayblanib, olti oylik qamoq jazosiga hukm qilingandi. 2017-yilda unga Eron davlat arboblarining ma’lumotlarni chop etgani uchun yana olti oylik qamoq jazosi berilgan. Eronda norozilik namoyishlari sentabr oyida noto‘g‘ri hijob o‘raganlikda ayblanib, politsiya tomonidan hibsga olingan 22 yoshli Mahsa Aminiyning o‘limi ortidan boshlangandi. Eron xavfsizlik kuchlari qizning yurak xurujidan hushidan ketganini da’vo qilmoqda. Uning oilasi u kaltaklanganidan keyin vafot etgan deb hisoblaydi.

1 2 3 4 5 Категория: Har-Hil | Просмотров:245 | Добавил: moderator | Теги: yangilik | Рейтинг: 0.0/0

Всего комментариев: 0