Главная » 2023 » Fevral » 7 » Eron AQSH va Isroilga javoban yerosti bazasini ochdi

---

22:58 Eron AQSH va Isroilga javoban yerosti bazasini ochdi

Eron armiyasi AQSH va Isroilning qo‘shma mashg‘ulotlariga javoban o‘zining havodagi harbiy imkoniyatlarini namoyish qilish uchun yirik yerosti bazasini ochdi. Bu haqda Al Jazeera xabar berdi. Eron davlat televideniyesi 7-fevral kuni Eagle 44 bazasidagi turli xil qiruvchi samolyotlar va harbiy uchuvchisiz samolyotlarni namoyish qildi. Mazkur bazaning qayerda joylashgani haqida ma’lumot oshkor qilinmagan. Ta’kidlanishicha, baza AQSHning strategik bombardimonchi samolyotlaridan tashlab yuborilgan o‘q-dorilardan himoyalanish uchun tog‘larda joylashgan. Bazaning ochilishida oliy martabali harbiy amaldorlar ishtirok etgan. Yopiq majmua AQSH va Isroil minglab askar va o‘nlab samolyotlar, dengiz kemalari va artilleriya tizimlarini qamrab olgan tarixdagi eng yirik qo‘shma mashg‘ulotlarini o‘tkazganidan ikki hafta o‘tmasdan ochildi. Bu qo‘shma mashg‘ulotlar, o‘z navbatida, Eron o‘zining harbiy tayyorgarligini ko‘rsatish uchun mashg‘ulotlar o‘tkazganidan bir necha kun o‘tib boshlangan. "Ehtimol, ular Eronning harbiy mashg‘ulotini noto‘g‘ri tushungandir. Endi Eron ularga ogohlantirish sifatida tog‘lardagi shovqin ovozini yubormoqda”, — deydi davlat televideniyesi muxbiri. Eron armiyasi baza ochilishida uzoq masofaga uchadigan "Asef” qanotli raketasini namoyish qildi. Oxirgi oylarda Tehron va Moskva ikki tomonlama munosabatlarni tez sur’atlar bilan kengaytirayotgani sababli, Eron Rossiyadan yaqinda ilg‘or Su-35 qiruvchi samolyotlarini olishi mumkinligi haqida xabarlar paydo bo‘ldi. Eron harbiy amaldorlari samolyotga qiziqish bildirgan, ammo yetkazib berish qachon amalga oshirilishi haqida izoh bermagan. Eron armiyasi bosh qo‘mondoni Abdulrahim Musaviy yerosti bazasida yangi qiruvchi samolyotlar joylashtirilishini aytdi va boshqa ma’lumotlarni ochiqlamadi. Eron harbiy shtabi boshlig‘i Muhammad Bag‘iriyning qo‘shimcha qilishicha, agar mintaqadagi biron bir davlat Isroil tomonidan Eron hududiga hujum qilsa, "u Isroilga bilan birga kuchli hujumga uchraydi”.

1 2 3 4 5 Категория: Har-Hil | Просмотров:90 | Добавил: moderator | Теги: yangilik | Рейтинг: 0.0/0

Всего комментариев: 0