Главная » 2020 » Fevral » 16 » Erdo‘g‘on Liviyadagi urushni Rossiya “oliy darajada” boshqarayotganini ma’lum qildi

---

15:59 Erdo‘g‘on Liviyadagi urushni Rossiya “oliy darajada” boshqarayotganini ma’lum qildi

Turkiya prezidenti Rajab Toyyib Erdo‘g‘on Pokistonga tashrif chog‘ida unga hamrohlik qilayotgan jurnalistlarga Rossiya Liviyadagi urushni "oliy darajada” boshqarayotganini ma’lum qildi. Erdo‘g‘on o‘z so‘zlarining tasdig‘i sifatida jurnalistlarga Rossiya mudofaa vaziri Sergey Shoygu va Bosh shtabi boshlig‘i Valeriy Gerasimov bilan birga, uning aytishicha, "Vagner” xususiy harbiy kompaniyasi rahbari ham aks etgan fotosuratni namoyish etgan. Rossiya tashqi ishlar vaziri o‘rinbosari Mixail Bogdanov Erdo‘g‘onning bayonoti yuzasidan "Interfaks”ga izoh berarkan, buni "haqiqatga va mamlakatdagi haqiqiy ahvolga mutlaqo zid” deb atadi. "U buni qayerdan olganini, unga bunday axborot qayerdan borganini bilmayman”, — deya qo‘shimcha qildi Bogdanov. Turkiya prezidenti avvalroq Liviyada "Vagner” HHKning ikki mingdan ortiq yollanma jangchilari borligini ma’lum qilgandi. Rossiya prezidenti Vladimir Putin, o‘z navbatida, agar Liviyada "Vagner” HHK yollanma jangchilari bo‘lsa ham, ular Rossiya manfaatlarini himoya qilmasligini aytib o‘tgan edi. Turkiya yanvar oyida Liviyaga harbiy mutaxassislarni yuborishga qaror qilgandi; Erdo‘g‘onning ta’kidlashicha, bu qaror Liviyaning Foiz Saraj boshchiligidagi xalqaro miqyosda tan olingan hukumatini qo‘llab-quvvatlash maqsadida qabul qilingan. Liviyada hokimiyatni to‘liq egallash Sarajning asosiy raqibi, norasmiy ma’lumotlarga ko‘ra, Rossiyadan ko‘mak olib turgan feldmarshal Xalifa Xaftar hisoblanadi. Rossiya rasmiylari ushbu ma’lumotlarni rasman rad etib kelmoqda.

1 2 3 4 5 Категория: Har-Hil | Просмотров:466 | Добавил: moderator | Теги: yangilik | Рейтинг: 0.0/0

Всего комментариев: 0