Главная » 2018 » Iyun » 6 » Endi sizda ham avtomaktab ochish imkoniyati bor

---

16:22 Endi sizda ham avtomaktab ochish imkoniyati bor

31 may kuni Vazirlar Mahkamasining "Avtomototransport vositalari va shahar elektr transport vositalari haydovchilarini tayyorlash, qayta tayyorlash hamda ularning malakasini oshirish bo‘yicha nodavlat ta'lim xizmatlari ko‘rsatish faoliyatini litsenziyalash tartibini yanada takomillashtirish chora-tadbirlari to‘g‘risida” gi 408-sonli qarori imzolandi.   Qarorga muvofiq, tashkiliy huquqiy shaklidan qat'iy nazar, barcha yuridik shaxslar, litsenziya asosida haydovchilarini tayyorlash, qayta tayyorlash hamda ularning malakasini oshirish faoliyati bilan shug‘ullanishi mumkin. Bu haqda O‘zA xabar bermoqda.   O‘z navbatida, mazkur qaror bilan barchaga teng hamda shaffof talablar qo‘yildi.   Oldin, mazkur faoliyat bilan "Vatanparvar” nodavlat notijorat tashkiloti, "Toshshahartransxizmat” aksiyadorlik kompaniyasi, "Transkasb” uyushmasi, O‘zbekiston Respublikasi Avtomotohavaskorlar ko‘ngilli jamiyati hamda "Avtotest Report” MCHJ shug‘ullanishi belgilab qo‘yilgan edi.   Endi, amaldagi avtomaktablar joriy yilning 1 avgustiga qadar litsenziya talablariga moslashishi hamda litsenziya olishi belgilab qo‘yildi.   Undan tashqari, mazkur soha bo‘yicha mavjud bo‘lmagan, haydovchilarini tayyorlash, qayta tayyorlash hamda ularning malakasini oshirishga qo‘yiladigan yagona davlat talablari ham tasdiqlandi.   Mazkur Hukumat qarori, "Vatanparvar” nodavlat notijorat tashkiloti, "Transkasb” uyushmasi hamda normativ huquqiy hujjatlar loyihalarining muhokamasi davlat elektron portali qatnashchilari tomonidan berilgan takliflar asosida ishlab chiqildi.

1 2 3 4 5 Категория: Har-Hil | Просмотров:1411 | Добавил: Moderator | Рейтинг: 0.0/0

Всего комментариев: 0