Главная » 2017 » Fevral » 3 » Endi Pensiyalar to‘liq shaklda naqd pulda beriladi

---

22:08 Endi Pensiyalar to‘liq shaklda naqd pulda beriladi

O‘zbekiston hududida ish haqi, pensiya, nafaqa va stipendiyalar to‘lash jarayonining tanqidiy tahlil qilinishi natijasida O‘zbekiston Respublikasi Prezidenti Shavkat Mirziyoyev tomonidan 2017 yil 2 fevralda imzolagan "Ish haqi, pensiya, nafaqa va stipendiyalarni to‘lash mexanizmini takomillashtirishga doir qo‘shimcha chora-tadbirlar to‘g‘risida”gi qaror imzolandi.   O‘zbekiston Respublikasi Prezidentining Virtual qabulxonasiga kelayotgan murojaatlar orqali ish haqi, pensiya, nafaqa va stipendiyalarni o‘z vaqtida to‘lamaslik, to‘lovlarni plastik kartochkalarga naqdsiz shaklda asossiz ravishda o‘tkazish holatlari  ko‘paygani, shuningdek, to‘lov terminallari va bank apparatlari tizimi yetarli darajada rivojlanmagani aniqlandi. Ta'kidlash kerakki, Virtual qabulxona ishga tushgan vaqtdan buyon 7 mingdan ortiq ana shu mazmundagi murojaatlar kelib tushgan.   Qarorda belgilanganidek, 2017 yil fevral oyidan boshlab O‘zbekistonda barcha turdagi pensiyalar hech qanday cheklovlarsiz to‘liq hajmda naqd shaklda beriladi. Bundan tashqari, oliy o‘quv yurtlarining talabalari ham stipendiyalarining kamida 50 foizini naqd pul shaklda olishadi.   Qaror loyihasida keltirilishicha, ilovaga muvofiq 58 tog‘li va olis tumanlardagi byudjet tashkilotlari xodimlariga ish haqi to‘lash, ijtimoiy to‘lovlar hech qanday cheklovlarsiz to‘liq hajmda naqd shaklda amalga oshiriladi.   O‘zbekiston Respublikasi Moliya vazirligi, Pensiya jamg‘armasi va pochta xizmati tashkilotlari pensiyalarning uzluksiz, tegishli oyning 27 sanasidan kechiktirmay to‘lanishini ta'minlashi lozim.

1 2 3 4 5 Категория: Har-Hil | Просмотров:1694 | Добавил: Admin | Теги: Endi Pensiyalar to‘liq shaklda naqd | Рейтинг: 0.0/0

Всего комментариев: 0