Главная » 2016 » Sentyabr » 16 » Endi FIFA “Oltin to‘p” mukofotini topshirmaydi?!

---

19:49 Endi FIFA “Oltin to‘p” mukofotini topshirmaydi?!

Futbol ishqibozlariga yaxshi ma'lumki, har yili millionlar o‘yinining eng yaxshi o‘yinchisiga "France Football” jurnali va FIFA tomonidan "Oltin to‘p” mukofoti topshiriladi. O‘tgan yili mazkur mukofotni  Argentina terma jamoasi a'zosi Lionel Messi qo‘lga kiritgandi. Bu esa futbolchi faoliyatidagi beshinchi mukofot bo‘lganligini ta'kidlash lozim. Joriy yilda bu mukofotni topshirish marosimi va kelajagi noma'lumligicha qolmoqda. Sababi bugun "France Football” jurnali Xalqaro futbol federatsiyasi bilan o‘zaro hamkorlik nihoyasiga yetganini ma'lum qildi.   "Mundo Deportivo” nashrining ma'lum qilishicha, "France Football” va FIFA bir necha oylardan beri "Oltin to‘p” mukofotini topshirish masalasini muhokama qilishgan. Taxminlarga ko‘ra, "Oltin to‘p” mukofotini yana "France Football” jurnali yakka o‘zi topshirishi mumkin. Xalqaro futbol federatsiyasi ham alohida sovg‘a tayyorlashi kutilmoqda.   "France Football”  "Oltin to‘p” mukofotini 1956 yildan buyon taqdim etib keladi. FIFA ham 1988 yildan buyon "Yil o‘yinchisi” mukofotini joriy etgandi. 2010 yilda esa jurnal noshirlari va FIFA o‘rtasida 5 yillik shartnoma imzolandi. Unga ko‘ra, Xalqaro futbol federatsiyasi milliy terma jamoalar murabbiylari, terma kapitani va OAV xodimlari o‘rtasida ovoz berish yo‘li orqali "Oltin to‘p” mukofotini o‘z egasiga topshirardi.

1 2 3 4 5 Категория: Har-Hil | Просмотров:2839 | Добавил: Admin | Теги: Endi FIFA “Oltin to‘p” mukofotini t | Рейтинг: 0.0/0

Всего комментариев: 0