Главная » 2016 » Avgust » 25 » Dunyodagi eng katta havo kemasi halokatga uchradi

---

11:01 Dunyodagi eng katta havo kemasi halokatga uchradi

Sinov parvozini amalga oshirayotgan "Airlander 10” telegraf ustuniga urilib ketdi va yerga quladi. Avvalroq, Buyuk Britaniyada dunyodagi enga katta havo kemasi sinovdan muvaffaqiyatli o‘tgani haqida xabar bergan edik. O‘shanda "Airlander 10” deb nomlangan dirijabl Bedfordshir grafligining Kardington shahrida havoga ko‘tarilgan edi.   Bugun, 24 avgust kuni Buyuk Britaniyada navbatdagi sinov parvozidan o‘tayotgan "Airlander 10” halokatga uchradi. Buning natijasida hech kim jabrlanmadi.   Xabarda aytilishicha, havo kemasi parvoz paytida telegraf ustuniga urilib ketgan.   Ma'lumot o‘rnida,  "Airlander 10”ning uzunligi 92 metrni tashkil etadi (u dunyodagi eng katta samolyot – An 225 "Mriya”dan sakkiz metrga uzunroq). "Airlander 10” 4.9 kilometr balandlikkacha ko‘tarilishi mumkin va uning tezligi soatiga 150 kilometrga etadi. U 10 tonnagacha bo‘lgan yukni ko‘tara oladi.   Ushbu dirijabl loyihasi Hybrid Air Vehicles kompaniyasi tomonidan 2009 yilda AQSH armiyasi uchun ishlab chiqilgan.   Ammo  shartnoma byudjet qisqartirilgani tufayli bekor qilingandi.  "Airlander 10”ning ishlab chiqarilishi uchun Buyuk Britaniya hukumati 3.7 million AQSH dollariga teng mablag‘ kiritdi.

1 2 3 4 5 Категория: Har-Hil | Просмотров:2035 | Добавил: Admin | Теги: Dunyodagi eng katta havo kemasi hal | Рейтинг: 0.0/0

Всего комментариев: 0