Главная » 2023 » Sentyabr » 12 » “Dunyo bo‘ylab” telekanalining 31 yoshli boshlovchisi Ramina Yagafarova vafot etdi

---

17:26 “Dunyo bo‘ylab” telekanalining 31 yoshli boshlovchisi Ramina Yagafarova vafot etdi

Toshkentda 13-sentabr kuni "Dunyo bo‘ylab” telekanalining 31 yoshli boshlovchisi Ramina Yagafarova vafot etdi. Bu haqda Bosh prokuratura matbuot xizmati ma’lum qildi. Idora ma’lumotlariga ko‘ra, 12-sentabr kechqurun Ramina Yagafarova Chilonzor tumanidagi xususiy klinikada davolanayotgan onasining yoniga kelgan. Jurnalist tomog‘i og‘rigani sababli o‘zining yonida bo‘lgan levofloksatsin (antibiotik) dorisidan bir dona ichgan, oradan 10-15 daqiqa o‘tib esa unda tutaqanoq kuzatilgan va hushini yo‘qotgan. Klinika shifokorlari tomonidan ayolga birinchi yordam ko‘rsatilgan va u reanimatsiya bo‘limiga yotqizilgan, olib borilgan davo muolajalari natijasida Yagafarova hushiga kelgan, ahvoli yaxshilangan. Biroq 13-sentabr kuni soat 16:00 larda Yagafarovani takroran tutqanog‘i tutib, ko‘rsatilgan tibbiy muolajalarga qaramay soat 17:50 da biologik o‘lim holati qayd etilgan. Sud-tibbiyot ekspertizasi ma’lumotlariga ko‘ra, jurnalistning o‘limi "Doridan allergik reaksiya. Bosh miya hamda o‘pka o‘tkir shishi, o‘tkir nafas olish va yurak-qon tomir yetishmovchiligi. Anafilaktik shok”, tufayli yuzaga kelgan.  Holat yuzasidan tuman prokuraturasi tomonidan tergovga qadar tekshiruv harakatlari olib borilmoqda. Eslatib o‘tamiz, may oyida "Yoshlar” telekanalining "Yangi davr” dasturi teleboshlovchisi, jurnalist Nozima Mahmudova vafot etgandi. U yurak operatsiyasidan keyin hayotdan ko‘z yumgan. Martda bo‘lsa jurnalist va shoir, "Inson va qonun” gazetasi hamda "Huquq va burch” jurnali birlashgan tahririyati xodimi Akmal Toshev vafot etgani to‘g‘risida xabar berilgandi.

1 2 3 4 5 Категория: Har-Hil | Просмотров:169 | Добавил: Admin | Теги: yangilik | Рейтинг: 0.0/0

Всего комментариев: 0