Главная » 2023 » Yanvar » 2 » Donetskda raketa zarbalari oqibatida Rossiyadan urushga safarbar qilingan 400 kishi halok bo‘lgani aytilmoqda

---

13:38 Donetskda raketa zarbalari oqibatida Rossiyadan urushga safarbar qilingan 400 kishi halok bo‘lgani aytilmoqda

1-yanvarga o‘tar kechasi Donetsk viloyatining anneksiya qilingan qismidagi Makeyevka shahri raketa hujumiga uchragan, oqibatda rossiyalik harbiylar joylashgan 19-sonli kasb-hunar maktabi vayron bo‘lgan. Bu haqda Ukraina Qurolli kuchlarining strategik aloqa boshqarmasi Telegram-kanalida xabar berdi. Boshqarma ma’lumotlariga ko‘ra, zarbalar oqibatida 400 ga yaqin odam halok bo‘lgan, yana 300 kishi jarohatlangan. Ukraina OAVlarining yozishicha, kasb-hunar maktabi binosiga urushga safarbar qilinganlar joylashtirilgan bo‘lgan. Readovka nashrining xabar berishicha, zarba HIMARS yoppasiga o‘t ochuvchi reaktiv tizimlari tomonidan berilgan. Anneksiya qilingan DXR vakillari hujumni tasdiqlab, 15 kishi jarohatlanganini ma’lum qildi. Kasb-hunar maktabi binosiga raketa hujumi uyushtirilgani haqidagi xabarlarni DXR "axborot vaziri o‘rinbosari” Daniil Bezsonov ham tasdiqladi. U o‘z postida harbiy xizmatchilarni turli obyektlarga tarqatmasdan, ularni bir binoga joylashtirganlarni javobgarlikka tortishga chaqirdi. Shunga o‘xshash postlar boshqa rus Telegram-kanallarida ham paydo bo‘ldi.

1 2 3 4 5 Категория: Har-Hil | Просмотров:123 | Добавил: moderator | Теги: yangilik | Рейтинг: 0.0/0

Всего комментариев: 0