Главная » 2023 » Mart » 7 » Chexiyada Ramzan Qodirovning oti o‘g‘irlab ketildi

---

22:17 Chexiyada Ramzan Qodirovning oti o‘g‘irlab ketildi

Chexiyaning Litomeritsa shahridagi otxonadan qiymati qariyb 400 ming kron (18 ming dollar) bo‘lgan ot o‘g‘irlab ketildi. Bu haqda Ceske noviny xabar berdi. Chexiya Moliya vazirligi matbuot kotibi Mikayela Lagronova ot Checheniston rahbari Ramzan Qodirovga tegishli ekanini tasdiqladi. "Noma’lum jinoyatchi Litomeritsa yaqinidagi otxonadan qiymati qariyb 400 ming kron bo‘lgan zotdor ingliz otini o‘g‘irlab ketgan. Politsiya matbuot kotibi Pavla Kofrova ot o‘g‘irlangunga qadar Krabchitsidagi otxonada bo‘lganini aytdi”, — deyiladi xabarda. Otning ismi Zazou bo‘lib, 16 yoshda bo‘lgan. Maxsus belgilar orasida politsiya uning peshonasida oq qashqa borligini va orqa o‘ng oyog‘ining bir qismi ham oq bo‘lganini aytdi. O‘g‘irlangan ot 2012-yilda Germaniyaning WH Sport International otxonasidan sotib olingan. Ayg‘ir 36 ta poygada qatnashib, shulardan to‘qqiztasida g‘alaba qozongan va 1,2 million yevrodan ortiq daromad keltirgan. Idnes nashrining xabar berishicha, mazkur ayg‘ir boshqa bir qancha otlar qatori Qodirovga qarshi xalqaro sanksiyalar asosida Chexiya tomonidan muzlatilgan mulkning bir qismidir. Checheniston rahbari uzoq vaqtdan beri otlarni yaxshi ko‘rishi bilan tanilgan. Qodirov otlari turli nufuzli jahon poygalarida qatnashib, sovrinli o‘rinlarni qo‘lga kiritmoqda. Yozda Markus nomli germaniyalik erkak Checheniston rahbariga ot sovg‘a qilgan. Qodirov muxlisga "ajoyib sovg‘a” uchun minnatdorlik bildirgan va bunday imo-ishoradan hayratda qolganini va quvonganini aytgan.

1 2 3 4 5 Категория: Har-Hil | Просмотров:89 | Добавил: moderator | Теги: yangilik | Рейтинг: 0.0/0

Всего комментариев: 0