Главная » 2018 » Iyun » 15 » Buka Toshkentda vorkaut mashqlari uchun bepul maydoncha ochdi

---

08:37 Buka Toshkentda vorkaut mashqlari uchun bepul maydoncha ochdi

Yunusobod tumanidagi "Yunusobod” mahallasida vorkaut mashqlari uchun birinchi bepul maydoncha paydo bo‘ldi.   Maydoncha vorkaut uchun barcha zarur snaryadlar bilan jihozlangan va hamma yoshdagi kishilarning shug‘ullanishi uchun mo‘ljallangan bo‘lib, vorkaut maydonchasining g‘oya va moliyalashtirilishi mahalliy Buka brendi tomonidan amalga oshirilgan.   Unga ko‘ra, barcha snaryadlar O‘zbekistonda ishlab chiqarilgan hamda Street Workout Uzbekistan hamjamiyatining vorkaut sportchilari tomonidan muvaffaqiyatli test sinovlaridan o‘tkazilgan.   "Biz va boshqa kompaniyalar ham bu tashabbusni qo‘llab-quvvatlashadi. Ochiq havoda sport bilan shug‘ullanish O‘zbekiston bo‘ylab keng quloch yoyadi, degan umiddamiz. Shunda mahallaning har bir a'zosiga, ayniqsa bolalarga sport bilan bemalol shug‘ullanish imkoni tug‘iladi”, deydi Buka Boxing Sportswear kompaniyasi direktori Otabek Anvarov.   Ma'lumot uchun, vorkaut bu bruslarda, turniklarda, polda mashqlar bajarish sport turi hisoblanadi. Ba'zi elementlari gimnastikadan olingan, ayrimlari o‘ylab topilgan. Vorkautning har bir mashqida badanning barcha mushaklari o‘z og‘irligi tufayli ishlaydi. Agar doimiy ravishda shug‘ullanilsa, kuch va chidamlilik yaxshi rivojlanadi.

1 2 3 4 5 Категория: Har-Hil | Просмотров:1101 | Добавил: Moderator | Рейтинг: 0.0/0

Всего комментариев: 0