Braziliyaning San-Paulu shtatidagi Praya-Grandi shahrining okean sohilida joylashgan do‘konchaga yashin kelib urildi. Bu haqda "Vesti.ru” xabar bermoqda. Qayd etilishicha, yashin urilgan vaqtda bino ichiga to‘qqiz kishi noqulay ob-havo sharoitidan saqlanish maqsadida kirib olgan. Yashin zarbasi natijasida ularning besh nafari halok bo‘lgan, jarohatlangan to‘rt nafari esa voqea joyiga yetib kelgan qutqaruvchilar tomonidan shifoxonaga yetkazilgan. AQSh Milliy kosmik tadqiqotlar instituti ma’lumotlariga ko‘ra, Braziliya yashin urishi soni bo‘yicha jahon rekordchisi hisoblanadi. Har yili ushbu mamlakat hududiga 58 millionga yaqin momaqaldiroqli elektr razryad kelib uriladi.