Главная » 2016 » Oktyabr » 21 » Bosh vazir qabulxonasiga bir sutkada 19 ming qo‘ng‘iroq bo‘ldi

---

22:48 Bosh vazir qabulxonasiga bir sutkada 19 ming qo‘ng‘iroq bo‘ldi

O‘zbekiston Respublikasi Bosh Vaziri Shavkat Mirziyoyevning virtual qabulxonasiga murojaatlar soni kundan-kunga ortib bormoqda. "Pm.gov.uz” sayti orqali qabul qilinayotgan murojaatlardan tashqari, virtual qabulxonaning 1000 telefoni raqamiga qo‘ng‘iroqlar soni ham keskin ortgan.   Xususan, 19 oktyabr kuni birgina 1000 raqamiga 1 sutka ichida qo‘ng‘iroqlar soni 19 mingdan ziyodni tashkil etdi. Aytish kerakki, bularning barchasi faqat murojaatlar emas, balki murojaatlarning holatini aniqlash bilan ham bog‘liq qo‘ng‘iroqlardir.   Aloqa va xizmat sifatini yaxshilash maqsadida ayni paytda qo‘shimcha operatorlar jalb etilmoqda. Qo‘ng‘iroqlar ko‘p bo‘ladigan vaqtlarda navbat kutish holati ham uchrab turibdi. Shu sabab ham imkoniyat darajasida "Pm.gov.uz” sayti orqali murojaat yo‘llash maqsadga muvofiqdir.   Shuni alohida ta'kidlash kerakki, Bosh Vazirning virtual qabulxonasiga qabul qilinayotgan har bir murojaat u arzimas muammo bo‘lsa-da, eng qisqa vaqt ichida hal qilib berilmoqda. Har bir murojaatning natijasi Bosh Vazir nomiga Facebook ijtimoiy tarmog‘idagi ochilgan sahifa orqali yoritib boriladi. Bundan tashqari, 20 oktyabr kuni "Toshkent” teleradiokanali orqali "Murojaatdan so‘ng” nomli dastur efirga uzatilib, unda virtual qabulxona bilan bog‘langan fuqarolar ishtirok etishdi va o‘zlarining muammolariga yechim topilgani haqida so‘zlashdi.

1 2 3 4 5 Категория: Har-Hil | Просмотров:2809 | Добавил: Admin | Теги: Бош вазир қабулхонасига бир суткада | Рейтинг: 0.0/0

Всего комментариев: 0