Главная » 2018 » Iyun » 6 » Bojxonachilar 137 million so‘mlik “ish”ni fosh qildi

---

21:12 Bojxonachilar 137 million so‘mlik “ish”ni fosh qildi

Toshkent shahar bojxona boshqarmasining "Toshkent-tovar” tashqi iqtisodiy faoliyat bojxona posti xodimlari Toshkentda faoliyat yurituvchi mas'uliyati cheklangan jamiyat nomiga Xitoydan olib kelingan ikki konteyner polipropilen tovarini bojxona nazoratidan o‘tkazdilar.   Mazkur korxona tomonidan taqdim etilgan hujjatlarga ko‘ra konteynerlarda plastik mahsulotlar ishlab chiqarishda ko‘llaniladigan 40 tonna polipropilen bo‘lishi lozim edi. Ammo ko‘rik jarayonida mazkur tovar o‘rniga hujjatlarda ko‘rsatilmagan, sirtdan polipropilenga o‘xshab ketadigan, qiymati 351 mln so‘mlik, 35 tonnadan ortiq bo‘lgan natriy xlorid, ya'ni sodda qilib aytganda tuz ortilgani aniqlandi.   Hujjatlarga ko‘ra, 40 tonna polipropilen uchun 40 million so‘m atrofida bojxona to‘lovlari hisoblanardi. Ammo, konteynerlarga yuklangan natriy xloridning bojxona to‘lovlari 177 million (agar ushbu tovarga tegishli kelib chiqish sertifikati taqdim etilganda 129 million) so‘mni tashkil etgan bo‘lardi. Bu usul bilan esa qonunbuzarlar 137 million so‘m atrofidagi bojxona to‘lovlaridan bo‘yin tovlagan.   Mazkur holat bo‘yicha bojxona organlari tomonidan mazkur korxonaning rahbariga nisbatan tegishli protsessual hujjatlar rasmiylashtirilib, surishtiruv harakatlari olib borilmoqda.

1 2 3 4 5 Категория: Har-Hil | Просмотров:1151 | Добавил: Moderator | Рейтинг: 0.0/0

Всего комментариев: 0