Главная » 2023 » Iyun » 30 » BMT Suriyada bedarak yo‘qolganlarni qidirish uchun organ tuzadi

---

11:10 BMT Suriyada bedarak yo‘qolganlarni qidirish uchun organ tuzadi

Birlashgan Millatlar Tashkiloti Bosh assambleyasi 29-iyun, payshanba kuni Suriyada 2011-yilda urush boshlanganidan so‘ng bedarak yo‘qolgan minglab odamlar taqdiriga "aniqlik kiritish” bo‘yicha maxsus institut tashkil etish to‘g‘risidagi rezolyutsiyani yoqlab ovoz berdi, deyiladi Bosh assambleya saytida. Rezolyutsiyada aytilishicha, "Suriya Arab Respublikasida bedarak yo‘qolganlar bo‘yicha mustaqil muassasa”ning vazifalariga bu odamlarning taqdiriga oydinlik kiritish, shuningdek, jabrlanganlar va ularning oilalariga yordam ko‘rsatish kiradi. Lyuksemburg vakili hujjat matnini taqdim etar ekan, rasmiy ma’lumotlarga ko‘ra, Suriyada 100 ming kishi bedarak yo‘qolgan, biroq real raqam bundan ham ko‘p bo‘lsa kerak, deb ta’kidladi. Yangi muassasaning vakolat doirasi 80 kun ichida aniqlashtiriladi, deyiladi hujjatda.  "12 yillik to‘qnashuv va zo‘ravonliklardan so‘ng Suriya Arab Respublikasida bedarak yo‘qolganlarning taqdiri va ular qayerda ekaniga javob berish orqali oilalar azobini yengillashtirish bo‘yicha kam muvaffaqiyatga erishildi, bu hal etilmagan muammo ayollar va bolalarga alohida ta’sir ko‘rsatmoqda”, — deyiladi rezolyutsiyada.  Qaror loyihasini yoqlab 83 nafar delegat ovoz berdi, 11 nafari qarshi chiqdi, 62 nafari esa betaraf qoldi. Qarshilik qilganlar orasida Rossiya, Xitoy, Eron, shuningdek, Suriya ham bor, ularning delegati Damashq bilan rezolyutsiya bo‘yicha maslahatlashilmaganini aytdi.

1 2 3 4 5 Категория: Har-Hil | Просмотров:132 | Добавил: moderator | Теги: yangilik | Рейтинг: 0.0/0

Всего комментариев: 0