Главная » 2022 » Oktyabr » 30 » Bayden nutq so‘zlayotgan paytda AQSHdagi shtatlar sonini chalkashtirib yubordi

---

20:14 Bayden nutq so‘zlayotgan paytda AQSHdagi shtatlar sonini chalkashtirib yubordi

AQSH prezidenti Jo Bayden mamlakatdagi shtatlar sonini chalkashtirib yubordi va AQSH 54 ta ma’muriy-siyosiy birlikdan iboratligini aytdi, deb yozmoqda Fox News. Pensilvaniyadagi nutqi davomida davlat rahbari 2018-yilda Demokratik partiya tomonidan  o‘tkazilgan saylov kampaniyasi haqida gapirar ekan, demokratlar AQSHning "54 ta shtatiga tashrif buyurgani”ni ta’kidladi. "Behazil. Shu bois 2018-yilda g‘alaba qozondik. Biz 54 ta shtatga tashrif buyurgandik ”, — dedi Amerika rahbari. Amerika Qo‘shma Shtatlari tarkibiga 50 ta shtat va Vashington joylashgan Kolumbiya Federal okrugi kiradi. Mamlakat shuningdek, Virjiniya orollari, Guam, Puerto-Riko, Amerika Samoasi va boshqalarni o‘z ichiga oluvchi ayrim orol hududlarini nazorat qiladi. 2008-yilda AQSHning sobiq prezidenti Barak Obama ham nutqida yangilishgan va 57 shtatga tashrif buyurganini aytgandi. Avvalroq  Bayden vitse-prezident Kamala Xarrisni tug‘ilgan kuni bilan tabriklash chog‘ida uni "prezident” deb yuborgandi. "Tug‘ilgan kuningiz bilan tabriklayman ajoyib prezident!” — degan Bayden (ingliz tilida — great president). Oq uy veb-saytida Bayden Xarrisning lavozimini aytishda yangilishib "vitse” so‘zini tushirib qoldirgani haqida eslatma berilgan.

1 2 3 4 5 Категория: Har-Hil | Просмотров:288 | Добавил: moderator | Теги: yangilik | Рейтинг: 0.0/0

Всего комментариев: 0