Главная » 2023 » Aprel » 25 » Bayden 2024-yilgi prezidentlik saylovida qatnashishini rasman e’lon qildi

---

21:19 Bayden 2024-yilgi prezidentlik saylovida qatnashishini rasman e’lon qildi

AQSHning amaldagi prezidenti Jo Bayden o‘zining Twitter’dagi sahifasida 2024-yilda bo‘lib o‘tadigan navbatdagi prezidentlik saylovlarida ishtirok etish niyatida ekanini rasman ma’lum qildi. "Har bir avlodning demokratiya uchun turishi kerak bo‘lgan lahzalari bor. Bu ularning asosiy erkinliklarini himoya qilish. Ishonamanki, bu bizning lahzamiz. Shuning uchun ham AQSH prezidenti lavozimiga qayta saylanish uchun o‘z nomzodimni qo‘yyapman”, — deb yozgan Bayden. 2024-yilda AQSH prezidentligiga yana kimlar da’vogarlik qilmoqda Jo Bayden 2022-yilning oktabr oyida ikkinchi muddatga nomzodini qo‘yish niyatida ekanini e’lon qilgan edi. Keyinroq Oq uy bu ma’lumotni tasdiqlagan. Ayni paytda AQSHning sobiq prezidenti Donald Tramp ham davlat rahbari lavozimiga yana o‘z nomzodini qo‘yish niyatida, bundan tashqari, u allaqachon saylovoldi kampaniyasini boshlab yuborgan. AQSH prezidentligiga uchinchi nomzod Donald Trampning partiyadoshi Nikki Xeyli bo‘lishi mumkin. U fevral oyi o‘rtalarida prezidentlikka o‘z nomzodini qo‘yishini ma’lum qilgan edi. Noyabrda bo‘lib o‘tadigan prezidentlik saylovlarida Respublikachilar partiyasidan aniq kim nomzod bo‘lishini aniqlash uchun partiya ichida saylovlar 2024-yilning bahoriga mo‘ljallangan. O‘tgan hafta AQSHning 35-prezidenti Jon Kennedining jiyani kichik Robert Kennedi 2024-yilgi prezidentlik saylovlarida qatnashishini rasman e’lon qilgandi.

1 2 3 4 5 Категория: Har-Hil | Просмотров:266 | Добавил: moderator | Теги: yangilik | Рейтинг: 0.0/0

Всего комментариев: 0